鬥茶物語

營業中

休息中

【油尖旺區】【鬥茶物語】行行吓旺角，本身想同一位朋友扮偶遇，所以用少少時間等吓佢。等嘅時間唔算好耐，喺等待嘅過程裡面又冇必要入餐廳食肆等咁誇張。因此就決定去登打士街嗰邊掃吓街就算，快靚正。不過其實都冇咁多時間，買杯嘢飲算。嚟到呢間「鬥茶物語」，令到我足以停低留意佢哋嘅原因係我喺佢哋展示畀人睇有咩產品嗰個顯示屏上面，見到有開心果嘢飲，我作為一個開心果控，梗係興奮到不要不要啦。所以就企喺度等佢個 mon 轉畫面轉到杯嘢飲度再睇。佢餐牌冇，但係個 mon 有，照叫呢杯 $48 嘅「滿杯開心果厚椰奶」，味道上，飲落都幾濃幾正，有開心果香味，亦都有椰香味，成杯嘢幾豐富，不過成五草嘢都有啲乸脷。然而，店員趁機推銷買埋「10円餅」，杯嘢飲就八折。就係咁樣我就買埋 $38 嘅「10円芝士餅」，呢款又真係我都有留意到嘅日本街頭人氣小食，揀拉絲芝士味夠晒傳統，味道都 okay 嘅。叫咗呢件嘢而令到我杯嘢飲變成八折嘅情況之下，總數就變成 $76，點解感覺好似仲洗多咗咁。。。（地址：旺角登打士街55號地下A號舖）#1amfoodie #foodie #hkfoodie #thatfoodiething #hk