Amelia Hong Kong

營業中

休息中

【油尖旺區】【Amelia】又係生日飯局，朋友夾咗我去海港城呢間海景餐廳，飽覽維港景色咁食個 120 分鐘嘅「Deluxe Unlimited Feast」。任食規則特別，餐湯、沙律、前菜、主菜、甜品任食，但有限十分鐘點一次，每次只可點人頭數量嘅主菜，即係唔係任點任食，要留意返。餐湯同前菜我揀咗「精選周打海鮮湯」同「巴馬火腿」，質素可以。主菜我哋就揀 $698 位嘅「Prime」，即係乜都可以叫。最出色都係「A5鹿兒島和牛西冷」、「A5鹿兒島和牛肉眼」同「炭烤四頭野生鮑魚」，兩款牛嘅油份充足，鮑魚亦都非常新鮮、惹味。相比之下其他菜式就相形見絀，飲品嘅橙汁同蘋果汁亦都係一般。但甜品有米芝蓮星級大廚配方嘅「招牌精選芝士蛋糕」就非常出色，口感軟滑，好正。另外嘅「椰子意大利雪糕」同「杏仁咖啡意大利雪糕」就平庸啲。兩位加埋一埋單 $1536，食景食生蠔可以。。。（地址：尖沙咀廣東道3-27號海港城海運大廈地下G63號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover