Tipsy Tap (已結業)

【油尖旺區】【Tipsy Tap】好耐之前同大家交代過我有堆義工朋友唔係成日見到，查返先知上次已經講緊係 1am0889 篇嘢，真係年代久遠。不過首領葉先生一樣好客，中意請吓我哋呢啲營營役役嘅小薯飲飲食食，其實我哋做得義工嘅，都冇所謂嘅，葉先生實在係太客氣喇，嘰嘰。今次佢帶我哋嚟飲酒，嘆啲高質素嘅手工啤酒。我哋叫咗 $88 嘅「Koming Pilsner」、$88 嘅「Genesis」同 $118 嘅「SoMad Trek」，都互相呷咗啲，所以都冇分邊個嗰杯喇。佢 menu 寫得好清楚成份，飲落果然都各有特色，感覺好識飲啤酒咁呀。品嘗啤酒之餘，都叫咗啲佐酒小食，就係 $78 嘅「Tipsy 雞翼配藍芝士醬」同埋 $108 嘅「炸邪惡法國卡芒貝爾芝士塊」，前者個芝士醬比我預計中稀，但都可以，後者嘅芝士味都香，但我都係中意藍芝士多啲。埋單價 $440，三位用嘅價錢，多謝葉先生。。。（地址：尖沙咀柯士甸路5號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover