影片
更多
2022-10-31
43 瀏覽
有日收工想食西餐，即時就去Openrice搵下有咩好推介，一搜尋就比我見到呢間勁多人比好評嘅餐廳仲有好抵食嘅套餐，即時打用Openrice book位試試佢！當日去到都冇我想像中咁多人，餐廳以黃色做主調，裝修感覺上比起西餐廳更似快餐店。職員安排咗我哋坐窗邊嘅位置，透過落地玻璃窗可以直接對住彌敦道街景，感覺都唔錯。———————————————🌟SPECIAL 精選二人餐 $498Soup of the day & Homemade Bun 是日餐湯及自家製餐包Appetiser 頭盤一款Pasta 意粉一款Main Course 主菜一款Dessert 甜品 (Häagen-Dazs雪糕杯*2)Drink 飲品兩杯.🌟法式龍蝦湯 (+$38升級）本身餐湯似係落左好多生粉嘅蘑菇湯，相反升級嘅龍蝦湯就吸引得多，味道非常濃郁，而且份量都多，當然價錢限制下入面係冇真嘅龍蝦肉，不過呢個價錢嘅龍蝦湯質素真係值得稱讚。.🌟酸忌廉煙肉薯條酸忌廉醬同平時出面買嘅醬分別不大，但煙肉薯條極少煙肉而且亦食唔出煙肉味，但值得一讚係新鮮炸起食落熱辣辣。.🌟龍蝦汁大蝦意大利飯龍蝦汁聞落好香好濃，但食落味道唔夠，調味
———————————————
🌟SPECIAL 精選二人餐 $498
Soup of the day & Homemade Bun 是日餐湯及自家製餐包
Appetiser 頭盤一款
Pasta 意粉一款
Main Course 主菜一款
Dessert 甜品 (Häagen-Dazs雪糕杯*2)
Drink 飲品兩杯
.
🌟法式龍蝦湯 (+$38升級）
本身餐湯似係落左好多生粉嘅蘑菇湯，相反升級嘅龍蝦湯就吸引得多，味道非常濃郁，而且份量都多，當然價錢限制下入面係冇真嘅龍蝦肉，不過呢個價錢嘅龍蝦湯質素真係值得稱讚。
.
🌟酸忌廉煙肉薯條
酸忌廉醬同平時出面買嘅醬分別不大，但煙肉薯條極少煙肉而且亦食唔出煙肉味，但值得一讚係新鮮炸起食落熱辣辣。
.
🌟龍蝦汁大蝦意大利飯
龍蝦汁聞落好香好濃，但食落味道唔夠，調味料可以再落重啲。個意大利飯本身同平時食嘅好唔一樣，正常意大利飯應該係軟稔中帶煙韌，但呢個意大利飯就感覺比較似茶餐廳炒飯再加湯汁，所以相對唔係好啱我口味。
.
🌟美國安格斯肉眼牛扒
呢個牛扒熟成度煎得啱啱好，我叫咗五成，可以參考返圖2就會見到出面煎到全啡但切開嘅肉仍然係紅色。而且牛扒份量都唔差，塊扒絕對唔簿身，配菜仲有啲薯仔同茄子，全部都煎得非常香口。
.
🌟朱古力心太軟雪糕 (+$48升級)
我哋升級咗其中一個甜品，絕對係非常值得。由佢上菜果下睇到佢個擺盤已經覺得非常值得打卡，其次係佢心太軟真係非常流心，仲要真係啱啱整起食落熱辣辣，隔離再加埋一個雲呢拿雪糕，一齊食就即時可以感受到冰火兩重奏，享受味蕾帶嚟嘅衝擊。
.
🔶整體評價🔶
我覺得Openrice有咁多好評真係有佢嘅原因，呢個價錢可以食到咁多嘢性價比真係好高，雖然有部份食物唔係好吸引，但佢本身個餐單其實仲有好多選擇，我見就算係其他晚餐set一樣性價比都高，所以如果大家有意係係旺角、油麻地搵西餐廳，不妨可以試下呢間樓上意大利餐廳。
.
🔸味道：7/10
🔸環境：6/10
🔸服務：7/10
🔸打卡指數：6/10
.
✨優惠小貼士✨
經Openrice預約可享有85折優惠😍（注意需用現金結帳)
———————————————
🍽️Plato Cafe & Bistro (彌敦道)
📍油麻地彌敦道483-485號2樓
2/F, 483-485 Nathan Road, Yau Ma Tei
———————————————
👉🏻#hkchiller美食地圖_油麻地
👉🏻#hkchiller晚餐推介
👉🏻#hkchiller西餐
張貼
