影片
更多
2023-05-26
287 瀏覽
自助餐食得多，以泰國菜為主既自助餐我都係第一次食😋因為我本身都好鍾意食泰菜，仲要係buffet形式，所以期待左好耐😝先分享餐廳既環境，日頭同夜晚都好有泰國度假風情⛱️餐廳分戶外同室內位置，戶外座位闊落，仲可以清楚欣賞到live band，夠晒有feel！室內環境就比較舒適，夏天怕熱既我就揀左室內位置坐😌餐廳既佈置都好有心思，無論室內外都充滿泰國特色既裝飾、擺設🇹🇭例如出面有架泰國篤篤，打卡一流📸室內掛滿藤製既燈罩，仲有好多泰國大笨象既蹤影🐘🥰呢度既食物種類真係好多好多🤩大致分成以下呢幾類同大家分享：❥ 前菜區有雜錦芝士拼盤、雜菜沙律、菠蘿火腿、黑椒牛肉、口水雞⋯仲有充滿泰國特色既有菠蘿扎肉米紙卷，同埋金柚沙律🥗西式泰式都包羅萬有！好想試晒全部⋯但要留肚食其他食物🥹❤️❥ 凍海鮮區有長腳蟹、凍熟蝦、黃金翡翠螺、紐西蘭藍青口💖 我最鍾意食長腳蟹、凍熟蝦，味道鮮甜，而且啖啖肉！另外，雖然話係泰式自助餐，但竟然見到日式刺身，分別有三文魚同吞拿魚，兩款都好厚切，食落口感滑嫩，有驚喜🍣❥ 熟食區呢區有好多東南亞既熱食😋有黃咖喱配印度薄餅、生炒糯米飯、海南雞飯、自選材料泰式船河、鐵板蠔仔炒蛋等等😍又係樣
因為我本身都好鍾意食泰菜，仲要係buffet形式，所以期待左好耐😝
先分享餐廳既環境，日頭同夜晚都好有泰國度假風情⛱️
餐廳分戶外同室內位置，戶外座位闊落，仲可以清楚欣賞到live band，夠晒有feel！
室內環境就比較舒適，夏天怕熱既我就揀左室內位置坐😌
餐廳既佈置都好有心思，無論室內外都充滿泰國特色既裝飾、擺設🇹🇭例如出面有架泰國篤篤，打卡一流📸室內掛滿藤製既燈罩，仲有好多泰國大笨象既蹤影🐘🥰
呢度既食物種類真係好多好多🤩
大致分成以下呢幾類同大家分享：
❥ 前菜區
有雜錦芝士拼盤、雜菜沙律、菠蘿火腿、黑椒牛肉、口水雞⋯仲有充滿泰國特色既有菠蘿扎肉米紙卷，同埋金柚沙律🥗西式泰式都包羅萬有！好想試晒全部⋯但要留肚食其他食物🥹❤️
❥ 凍海鮮區
有長腳蟹、凍熟蝦、黃金翡翠螺、紐西蘭藍青口💖 我最鍾意食長腳蟹、凍熟蝦，味道鮮甜，而且啖啖肉！
另外，雖然話係泰式自助餐，但竟然見到日式刺身，分別有三文魚同吞拿魚，兩款都好厚切，食落口感滑嫩，有驚喜🍣
❥ 熟食區
呢區有好多東南亞既熱食😋有黃咖喱配印度薄餅、生炒糯米飯、海南雞飯、自選材料泰式船河、鐵板蠔仔炒蛋等等😍又係樣樣都想食！
最欣賞佢既黃咖喱配印度薄餅，咖喱汁好濃郁，味道偏甜，好有風味！！
另外仲有冬陰功湯同雜菌忌廉湯，值得一試😝
❥ 廚師主理區🧑🍳
小鳥胃既朋友，都一定要留肚食呢區既食物！
有咸豬手同西班牙乳豬🐽🇪🇸😍
咸豬手外皮脆卜卜，肉質軟腍，好好食🤤
乳豬係用餐途中新鮮出爐🥳熱辣辣，外皮香脆，好厚肉，一定唔可以錯過！！
最後仲推出焦糖燉蛋，廚師即席用火槍燒出香脆既焦糖面，燉蛋好軟滑，每啖都食出幸福感🤣🥰呢個都一定要試呀！
❥ 甜品
甜品選擇都好多🤤🍮🍰🍦
比較有特色既包括有芒果糯米飯、椰汁糕、葡撻、朱古力味/芒果味Croffle，另外仲有大量西式甜點，例如士多啤梨慕絲🍓、芝士蛋糕、鮮雜果蛋糕、木糠布甸、布朗尼蛋糕🍰當然唔少得有Movenpick雪糕🍦（任食🥹師奶心態覺得好抵啊～～）
好欣賞佢既芒果糯米飯，有齊晒3款唔同既米，而且份量唔係好多，可以試多d唔同既甜品！
❥ 飲品
凍熱飲都有，凍飲包括金桔檸檬、百香果橙、菠蘿蘆薈、蜜桃茶、冷泡茶(無糖)，以上全部都用樽仔裝住🫙另外仲可以自己斟椰汁珍多冰、芒果沙冰，勁refreshing🍹熱飲有熱茶、朱古力、各種咖啡☕️
張貼
