影片
更多
2022-05-28
56 瀏覽
📍元朗合益路17-53號合益中心G樓25室有日屋企人心血來潮想食壽司，咁短時間內book唔到位食放題，但係咁難得食壽司，又無理由食爭鮮、元氣之流，諗起之前@lius_foodnetwork 推薦我食呢間御品千之味，咁啱元朗附近有喎，於是決定食呢間。🌃位置比較近元朗地鐵站，招牌十分醒目，幾容易揾，喺等外賣嘅時間入面，見到好多街坊過嚟買嘢，我諗真係喺元朗幾有口碑。🍣食物我哋嗌咗千之人氣壽司拼盤C（$158）同E（$188），由於入面壽司種類幾多下，咁我就揀其中幾款講下感想啦~❤️三色花之戀呢個我會話係必食嘅，因為實在太出色，你係見到三文魚上面啲紋理係清晰而分佈平均嘅（基本上今次食到嘅三文魚都係咁嘅質素），肉眼可見嘅新鮮同高質，並且入面嘅壽司飯捏得啱啱好嘅，既唔會太鬆散，亦唔會太實，而且個魚生嘅size同個飯嘅形狀比例都係啱啱好嘅，所以十分nice啊。我尤其推薦海膽花之戀，眾所周知唔新鮮嘅海膽係會有啲腥苦，但係呢個完全係食到海膽嗰種鮮甜，好高質。推薦度： 😋😋😋😋😋❤️火炙芝士帶子我原本以為芝士個味會搶曬帶子嘅味道，但係我完全係被打臉嘅！經過炙燒之後，芝士嗰種鹹香出曬嚟，係完全帶出曬帶子嘅鮮甜，
有日屋企人心血來潮想食壽司，咁短時間內book唔到位食放題，但係咁難得食壽司，又無理由食爭鮮、元氣之流，諗起之前@lius_foodnetwork 推薦我食呢間御品千之味，咁啱元朗附近有喎，於是決定食呢間。
🌃位置
比較近元朗地鐵站，招牌十分醒目，幾容易揾，喺等外賣嘅時間入面，見到好多街坊過嚟買嘢，我諗真係喺元朗幾有口碑。
🍣食物
我哋嗌咗千之人氣壽司拼盤C（$158）同E（$188），由於入面壽司種類幾多下，咁我就揀其中幾款講下感想啦~
❤️三色花之戀
呢個我會話係必食嘅，因為實在太出色，你係見到三文魚上面啲紋理係清晰而分佈平均嘅（基本上今次食到嘅三文魚都係咁嘅質素），肉眼可見嘅新鮮同高質，並且入面嘅壽司飯捏得啱啱好嘅，既唔會太鬆散，亦唔會太實，而且個魚生嘅size同個飯嘅形狀比例都係啱啱好嘅，所以十分nice啊。我尤其推薦海膽花之戀，眾所周知唔新鮮嘅海膽係會有啲腥苦，但係呢個完全係食到海膽嗰種鮮甜，好高質。
推薦度： 😋😋😋😋😋
❤️火炙芝士帶子
我原本以為芝士個味會搶曬帶子嘅味道，但係我完全係被打臉嘅！經過炙燒之後，芝士嗰種鹹香出曬嚟，係完全帶出曬帶子嘅鮮甜，好香好惹味，我本身已經最鍾意食帶子嘅，但係呢種做法完全將帶子嘅鮮甜帶到另一個層次，十分高質。
推薦度： 😋😋😋😋
❤️火炙黑椒三文魚
呢個亦都係我意想不到嘅配搭，因為拼盤E入面有三種唔同嘅火炙三文魚，一個係就咁火炙，一個係加咗芝士，最後一個就係呢個黑椒三文魚，建議係按照我啱啱嘅次序，由淡到濃嚟食，因為呢隻黑椒係真係幾辣嘅，由於成碟有一半以上都係火炙，比較重油脂，所以難免食到最後會有啲滯，但係呢個黑椒完全係解滯之餘，令你回味無窮，係一個少見但係好聰明嘅做法。
推薦度： 😋😋😋😋
❤️火炙左口魚
呢個係出現喺拼盤E嘅，可以見到其他都喺偏柔軟嘅魚嚟，所以食到呢個嘅時候係幾驚喜嘅，因為佢嘅口感係偏煙韌嘅，有啲咬口咁，令口感上出現啲變化，係十分驚喜吸引嘅。
推薦度： 😋😋😋😋
❤️其他
我覺得佢嘅豉油都值得一讚嘅，係有啲淡同埋偏清甜嘅豉油，比較可以襯托出魚原本嘅鮮味同甜味，同一般坊間嘅壽司豉油有少少分別，幾正的~
張貼
