鮮茶 (已結業)

【深水埗區】【Simply Tea】天氣開始炎熱，尤其呢啲假日時間。本身香港係屏風樓效應嘅亞熱帶天氣已經熱到痴筋，加上連續放幾日假，今日星期日條街真係爆多人。本身都唔多想出街，但咁啱有嘢做就去一去深水埗，一去就真係中晒頭先講嘅嘢。喺呢啲情況就想飲啲嘢消暑降溫，適逢可以試呢間深水埗排隊茶飲店。東海棠醒呀，一開波就揀杯 $40 嘅「水果四季春」，要半糖少冰，我都有啲想叫呢杯，不過佢叫先就由佢。由於我想寫嘢，所以我唔係好想重覆叫一樣嘅。佢話佢杯嘢幾好飲，單獨抽啲果味同茶味嚟睇，都係上乘嘅水平。而兩者嘅結合嚟講，都係做得相當好嘅。咁我放棄鮮果茶系列，轉攻奶茶系列啦。我就揀咗 $26 嘅「香芋奶綠」，都係要半糖少冰，呢一杯又睇吓佢咩料先。我呢杯飲落去都唔差，香芋個味幾香，亦都有啲香芋泥可以食吓咁嘅。而個奶綠底唔算勁濃，但係清清哋咁，夏天嘅時候凍冰冰飲一杯都幾正。不過要注意，有時呢間都要排吓隊，多啲去留意吓就好啲，我買嗰吓就排兩個嘅。。。@simplytea_hk（地址：深水埗福榮街92-98號常福大廈地舖）#1amfoodie #foodie #hkfoodie #thatfoodiething