囍八方餃子麵館 (已結業)

🌗常餐（肆）麻辣雞翼鮮蝦雲吞米線 $56常餐有主食以外，仲配送麻辣雲耳青瓜、滷水蛋及冷泡茶一支。味道正常，麻辣只有少少麻同少少辣，鮮蝦雲吞爽口彈牙，湯底好似真係冇味精，飲咗幾啖都唔涸喉。黎到一定要試吓每枱醬料架上小瓦缸內嘅辣菜脯（第一幅相嘅右上方），爽脆刺激，試咗之後佢成為左我係呢間舖頭嘅最愛，絕對係妹仔大過主人婆🤣。🌗囍八方煎韭菜豬肉餃（6隻） $32餡料都算夠味多汁，但外皮煎得唔夠香脆，比較硬身「銀」牙。