影片
更多
2023-03-09
86 瀏覽
我相信好多人都知道西九龍中心開咗好多野食，就算你一個星期7日三餐都嚟食，都保證你未必每一間餐廳都可以試勻晒，咁今次經開附近又未決定食咩好，咁就嚟試吓搵好嘢食一去到8樓，選擇困難症嘅我就被五花八門嘅餐廳所吸引，行咗諗咗好耐先諗到食咩好，最終都係選擇依間「HaHa Chicken 」原本諗住叫一份炸雞，之後再去其他餐廳買飯，但係咁啱見到佢有精選套餐，係三嚿炸雞+三嚿年糕+一個飯，而且價錢又唔貴，所以最後都係選擇買兩個套餐除咗套餐之外，仲可以單點一份炸雞或者其他小食，而且味道都唔少選擇咁就分別叫咗一個辣芝士炸雞和甜辣炸雞，飯就兩個味都各要一個咁首先梗要講咗啲主角先，依到嘅炸雞全部都係無骨炸雞，所以食嘅時候方便好多，再加上每一嚿都大大嚿，而且炸粉唔會好厚，唔會一啖咬落去，一整個口腔都係炸皮，食落都係啖啖肉，好Juice簡直係懶人首選咁兩款味道來說，我個人推介辣芝士味多啲，除咗平時係外面比較少見這個味道。更是因為辣芝士真係好好食！因為炸雞嘅炸皮唔厚，所以就算佢表面攞咗幾多芝士粉，食落口都唔會好重粉感，一啖咬落去，首先會食到好濃嘅芝士粉味，再之後會食到辣味，最後兩者合併一齊嗰味係其他地方係食唔到而
一去到8樓，選擇困難症嘅我就被五花八門嘅餐廳所吸引，行咗諗咗好耐先諗到食咩好，最終都係選擇依間「HaHa Chicken 」
原本諗住叫一份炸雞，之後再去其他餐廳買飯，但係咁啱見到佢有精選套餐，係三嚿炸雞+三嚿年糕+一個飯，而且價錢又唔貴，所以最後都係選擇買兩個套餐
除咗套餐之外，仲可以單點一份炸雞或者其他小食，而且味道都唔少選擇
咁就分別叫咗一個辣芝士炸雞和甜辣炸雞，飯就兩個味都各要一個
咁首先梗要講咗啲主角先，依到嘅炸雞全部都係無骨炸雞，所以食嘅時候方便好多，再加上每一嚿都大大嚿，而且炸粉唔會好厚，唔會一啖咬落去，一整個口腔都係炸皮，食落都係啖啖肉，好Juice簡直係懶人首選
咁兩款味道來說，我個人推介辣芝士味多啲，除咗平時係外面比較少見這個味道。更是因為辣芝士真係好好食！因為炸雞嘅炸皮唔厚，所以就算佢表面攞咗幾多芝士粉，食落口都唔會好重粉感，一啖咬落去，首先會食到好濃嘅芝士粉味，再之後會食到辣味，最後兩者合併一齊嗰味係其他地方係食唔到
而甜辣炸雞唔係唔好食，只不過上冇辣芝士炸雞咁突出，顯得有少少普通，而且我覺得甜辣炸雞甜味比較明顯辣味唔係好出，食得多會容易覺膩，不過我幾欣賞甜辣炸雞嘅外皮仲係好脆，因為好多時表面咁多醬汁，外皮好容易變淋，但依個食到最後嘅皮仲係好脆，難得！
咁仲有兩個飯，分別係卡邦尼飯和安東雞飯，首先講咗安東雞飯先，我最初望到佢顏色好似我哋平時食KFC會食到，但食落口完全係兩回事，雖然都係有少少辣辣哋，但係比較溫和嘅辣，最後會有少少甜味回出嚟，而且裏面嘅蔬菜粒已經煮到好入味，所以唔係好食辣嘅都可以試吓
卡邦尼飯就係平時在外面都會食到嘅味道，比起安東雞飯冇咁惹味，而且食落比較膩一點，但係可以中和炸雞嘅辣味；所以相比之下，我個人推介安東雞飯多啲
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
