影片
更多
2024-08-28
164 瀏覽
喺灣仔發掘咗一間性價比高嘅lunch omakase！餐廳門面較為低調, 室內用餐位置只設有廚師發辦席前吧枱, $480(每位)就可以享受到廚師發辦套餐, 食材非常新鮮, 簡直係大滿足！ 先上沙律🥗、日式蒸蛋, 茶碗蒸好嫩滑, 入面有蜆肉、菇菌、帶子、白果, 十分足料！刺身4款：🔸煙燻鰹魚以玻璃罩蓋住煙燻鰹魚, 一打開就聞到淡淡煙燻香氣, 配搭蔥蒜醬汁一齊食, 充滿風味！🔸真鯛：肉質細緻, 配上微酸嘅梅子醬調味, 口感清新爽嫩🔸鮟鱇魚肝泡芙泡芙內有帶鹹香嘅鮟鱇魚肝醬, 雖然放咗一陣先食, 但泡芙外皮仲係保持到鬆脆口感！一口咬落去就感受到鮟鱇魚肝嘅濃郁味道, 綿密滑順, 味道有啲似鵝肝醬, 呢個好有驚喜, 估唔到咁夾！🔸帆立貝肉身厚實, 味道鮮甜, 加點青檸汁能令味道更清新！🍣壽司8貫使用日本時令新鮮食材, 當日有鰤魚、魷魚🦑、貝柱、池魚、太刀魚、拖羅、瀨尿蝦、海膽, 壽司由淡味至濃味, 逐件細味品嚐, 最難忘嘅係以下3款壽司：🍣太刀魚壽司 — 經火炙後, 太刀魚嘅油脂微微滲出來, 肉質肥美細緻, 油香四溢, 味道獨特！🍣拖羅壽司 — 鮮美柔軟, 口感豐腴, 充滿油分！🍣瀨尿蝦壽司 —
先上沙律🥗、日式蒸蛋, 茶碗蒸好嫩滑, 入面有蜆肉、菇菌、帶子、白果, 十分足料！
刺身4款：
🔸煙燻鰹魚
以玻璃罩蓋住煙燻鰹魚, 一打開就聞到淡淡煙燻香氣, 配搭蔥蒜醬汁一齊食, 充滿風味！
🔸真鯛：肉質細緻, 配上微酸嘅梅子醬調味, 口感清新爽嫩
🔸鮟鱇魚肝泡芙
泡芙內有帶鹹香嘅鮟鱇魚肝醬, 雖然放咗一陣先食, 但泡芙外皮仲係保持到鬆脆口感！一口咬落去就感受到鮟鱇魚肝嘅濃郁味道, 綿密滑順, 味道有啲似鵝肝醬, 呢個好有驚喜, 估唔到咁夾！
🔸帆立貝
肉身厚實, 味道鮮甜, 加點青檸汁能令味道更清新！
🍣壽司8貫使用日本時令新鮮食材, 當日有鰤魚、魷魚🦑、貝柱、池魚、太刀魚、拖羅、瀨尿蝦、海膽, 壽司由淡味至濃味, 逐件細味品嚐, 最難忘嘅係以下3款壽司：
🍣太刀魚壽司 — 經火炙後, 太刀魚嘅油脂微微滲出來, 肉質肥美細緻, 油香四溢, 味道獨特！
🍣拖羅壽司 — 鮮美柔軟, 口感豐腴, 充滿油分！
🍣瀨尿蝦壽司 — 鮮甜有彈性, 味道清甜, 表面加上蛋黃粉, 增添一份鹹香
🥚玉子燒 — 口感香甜偏扎實, 蛋味香濃
另外再追加咗餐廳招牌菜式 #彩羽太卷 ！呢個係必試, 賣相滿分💯❗️師傅以醬油漬蛋黃、拖羅、赤身、海膽、青瓜🥒作手卷材料, 超級足料！一整件放入口, 各種食材嘅鮮味湧出來, 包括甘甜豐腴嘅海膽、味道濃厚嘅醬油漬蛋黃、拖羅嘅油脂感, 口感層次豐富！
最後, 師傅會即席用日式刨冰機製作日式刨冰🍧, 以刨冰專用嘅冰磚製作🧊, 打卡一流！刨冰口感細緻, 完全食唔到碎冰粒, 直程係入口即化！
張貼
