影片
更多
2022-07-01
374 瀏覽
今次有幸受邀試食日本關西第一炸牛排專門店─京都勝牛🍱 荃灣分店開咗唔係好耐，行過幾次都見到企滿哂人等位。餐廳內裝修充滿日本風，亦有唔少卡位，坐得幾舒服。職員十分好客，會了解客人需要，上菜時亦仔細介紹每款醬料。佢地係選用來自美國、澳洲及日本嘅牛肉，品質有保證👍🏻 每款套餐都附有麥飯、椰菜沙律及味噌湯。椰菜沙律同味噌湯都係可以無限refill嘅，喜歡嘅朋友可以食返夠本😋✨元祖牛排炸串外層皮薄金黃酥脆，牛肉鮮嫩多汁，食落外脆內軟，口感豐富😋✨自家製豚肉餃子一睇就知正宗日式煎餃😆 平時外面食未必會有底層嘅脆皮，但今次係一大片滿滿脆底😍 餃子皮薄餡多，味道唔錯，最欣賞就係脆底👍🏻✨京都勝牛雙味套餐‼️上枱時牛肉係三成熟，如果想熟啲可以向職員提出，佢地會提供個煎pan放喺枱邊畀客人，咁就可以自由控制要幾熟啦！仲附上9 種蘸料，可自己調出不同口味🤤椰菜沙律加咗芝麻醬食落好開胃，味噌湯就正常不過不失啦。麥飯麥味好香濃，健康又好味，粒粒分明又有咬口😋 三成熟嘅牛肉夠腍滑，菲力比翼板牛更腍更好食。但燒完之後就唔同哂，兩款牛肉味道比原來更加濃郁，坐喺度就已經聞到濃濃牛肉香氣，食落肉質更腍更juicy，兩款肉燒
今次有幸受邀試食日本關西第一炸牛排專門店─京都勝牛🍱 荃灣分店開咗唔係好耐，行過幾次都見到企滿哂人等位。餐廳內裝修充滿日本風，亦有唔少卡位，坐得幾舒服。職員十分好客，會了解客人需要，上菜時亦仔細介紹每款醬料。
佢地係選用來自美國、澳洲及日本嘅牛肉，品質有保證👍🏻 每款套餐都附有麥飯、椰菜沙律及味噌湯。椰菜沙律同味噌湯都係可以無限refill嘅，喜歡嘅朋友可以食返夠本😋
元祖牛排炸串
19 瀏覽
0 讚好
0 留言
外層皮薄金黃酥脆，牛肉鮮嫩多汁，食落外脆內軟，口感豐富😋
自家製豚肉餃子
27 瀏覽
0 讚好
0 留言
一睇就知正宗日式煎餃😆 平時外面食未必會有底層嘅脆皮，但今次係一大片滿滿脆底😍 餃子皮薄餡多，味道唔錯，最欣賞就係脆底👍🏻
京都勝牛雙味套餐
23 瀏覽
0 讚好
0 留言
✨京都勝牛雙味套餐‼️上枱時牛肉係三成熟，如果想熟啲可以向職員提出，佢地會提供個煎pan放喺枱邊畀客人，咁就可以自由控制要幾熟啦！仲附上9 種蘸料，可自己調出不同口味🤤
椰菜沙律加咗芝麻醬食落好開胃，味噌湯就正常不過不失啦。麥飯麥味好香濃，健康又好味，粒粒分明又有咬口😋
三成熟嘅牛肉夠腍滑，菲力比翼板牛更腍更好食。但燒完之後就唔同哂，兩款牛肉味道比原來更加濃郁，坐喺度就已經聞到濃濃牛肉香氣，食落肉質更腍更juicy，兩款肉燒過之後，翼板牛比菲力更好味，仲多咗份焦香味👏🏻
特選海產套餐
26 瀏覽
0 讚好
0 留言
超大隻海老肉質鮮甜，炸完都唔覺老🦐 鰻魚都一樣味道香濃有鮮味。🦪廣島蠔size都幾大隻，可惜外層炸皮有點兒太厚，炸粉味蓋過咗蠔味，同埋厚皮食落有啲膩😔
蜂巢脆脆
32 瀏覽
1 讚好
0 留言
因為冇哂軟雪糕，所以今次試GELATO意式雪糕，我揀咗香濃開心果及伯爵茶口味。鯛魚燒有滿滿紅豆餡，皮薄餡靚😋 開心果味好香，伯爵茶味超級濃郁，軟滑雪糕加埋脆脆配料，口感好豐富。
藍柑荔枝味有氣特飲
19 瀏覽
0 讚好
0 留言
顏色鮮艷搶眼，真材實料有荔枝肉，飲落有荔枝味之餘仲帶有少許酸酸甜甜嘅藍柑橘味，清甜又解膩💙
紅豆宇治冰抹茶
8 瀏覽
0 讚好
0 留言
抹茶味清香唔苦澀，就算啜唔到紅豆粒粒，飲落都有淡淡紅豆味，同抹茶果然係絕配。但紅豆粒真係少咗啲，只得杯底幾粒😅
🔍整體感覺：由踏入門口開始，環境、服務態度、食物、飲品都係高質享受。豚肉餃子嘅脆底真係值得一讚，京都勝牛雙味都有驚喜，三成熟同燒完後感覺都各有特色😋 價錢比起外面唔算特別平，但間唔中享受吓美食都好值得👍🏻
張貼
