心烤大眾酒場 (已結業)

【灣仔區】【心烤大眾酒場】五條友去老銅，一邊飲食，一邊論盡世界形勢，我乜都唔識，只係坐埋一二邊學嘢就算。$268 嘅「金目鯛」、$78 嘅「三文魚刺身」同 $88 嘅「油甘魚刺身」都好鮮，而 $68 嘅「心烤海鮮舫」我哋都係配白子，都勁正喎。熟嘢就有 $78 嘅「燒明太子」、$68 嘅「酒盜芝士」、各 $78 嘅「南蠻炸雞」同「明太子玉子燒」、$128 嘅「元祖燒牛脷」、$88 嘅「鹽燒白鱔」、$38 嘅「燒雞心」、$35 嘅「燒雞腎」、$68 嘅「安格斯牛柳粒」等等。仲有 $48 嘅「燒免治雞肉」、$40 嘅「燒雞翼」，有條友叫埋 $48 嘅「炸雪糕」。逐樣講有排講，總體而言都係即燒即食，熱得嚟唔會係死落調味，而係食返食材本身嘅味，係掂。咁樣食法，同你講我哋冇飲酒你都唔信啦。我哋叫咗都唔少嘅酒類，包括清酒、cocktail、啤酒等等，配啲新鮮滾熱辣嘅燒物簡直係絕配。加上場內氣氛幾好，就算講啲比較敏感嘅話題都冇人藐你，大家都係咁。埋單 $3999，每人八舊，毫無保留之下，咁樣食法都係合理嘅。。。（地址：銅鑼灣駱克道487號駱克駅21樓）#1amfoodie #foodie #hkfoo