影片
更多
2024-08-09
63 瀏覽
今次介紹灣仔嘅彩羽壽司家，呢間店主打高性價比嘅Omakase，午餐Omakase只需$480，仲有95折優惠，2點後仲有85折，真係超抵食。———————————————🌟茶碗蒸茶碗蒸非常滑嫩，入面仲有粒大蜆肉，晶瑩剔透，食落去好鮮甜。🌟刺身4款分別有真鯛、大分縣真蠔、鮟鱇魚肝泡芙同煙燻鰹魚，每款都非常有特色同好味。真鯛面頭有少少梅醬帶酸甜，蠔超大隻食落好鮮，海水味唔會太濃食落仲好creamy。鮟鱇魚肝泡芙我都係第一次食，一咬落去魚肝就爆曬出黎，味道好濃郁再配上甜甜地嘅泡芙非常出色。至於煙燻鰹魚好食又好睇，煙燻效果打卡一流，🌟壽司8件大部份都係平時出面少見嘅刺身，特別點評車子賴尿蝦，上面加有蛋黃碎，食落都好特別。左口魚燒到油脂滿滿，加上櫻花蝦口感更豐富。其他壽司仲有鰤魚、鯖魚、拖羅、帶子等全部都非常鮮甜，令人回味無窮。🌟彩羽太卷超推薦招牌太卷，需要加$125/位升級，入面包有醬油漬蛋黃、拖羅、海膽、白石青瓜，食落去食個口感都好豐富係滿滿嘅鮮味。🌟玉子燒呢個玉子燒似甜品，感覺有啲似卡達拉娜，凍食非常唔錯。🌟蜜桃味刨冰本身有一下見佢就咁加醬汁以為味道好啖，一食先知原來佢加嘅係新鮮蜜桃汁，超
今次介紹灣仔嘅彩羽壽司家，呢間店主打高性價比嘅Omakase，午餐Omakase只需$480，仲有95折優惠，2點後仲有85折，真係超抵食。
———————————————
🌟茶碗蒸
茶碗蒸非常滑嫩，入面仲有粒大蜆肉，晶瑩剔透，食落去好鮮甜。
🌟刺身4款
分別有真鯛、大分縣真蠔、鮟鱇魚肝泡芙同煙燻鰹魚，每款都非常有特色同好味。真鯛面頭有少少梅醬帶酸甜，蠔超大隻食落好鮮，海水味唔會太濃食落仲好creamy。鮟鱇魚肝泡芙我都係第一次食，一咬落去魚肝就爆曬出黎，味道好濃郁再配上甜甜地嘅泡芙非常出色。至於煙燻鰹魚好食又好睇，煙燻效果打卡一流，
🌟壽司8件
大部份都係平時出面少見嘅刺身，特別點評車子賴尿蝦，上面加有蛋黃碎，食落都好特別。左口魚燒到油脂滿滿，加上櫻花蝦口感更豐富。其他壽司仲有鰤魚、鯖魚、拖羅、帶子等全部都非常鮮甜，令人回味無窮。
🌟彩羽太卷
超推薦招牌太卷，需要加$125/位升級，入面包有醬油漬蛋黃、拖羅、海膽、白石青瓜，食落去食個口感都好豐富係滿滿嘅鮮味。
🌟玉子燒
呢個玉子燒似甜品，感覺有啲似卡達拉娜，凍食非常唔錯。
🌟蜜桃味刨冰
本身有一下見佢就咁加醬汁以為味道好啖，一食先知原來佢加嘅係新鮮蜜桃汁，超級濃郁嘅蜜桃味配上煉奶，真係超好味。
🌟鰻魚飯
另外大家如果唔想食Omakase都可以簡午市套餐，套餐包埋沙律同麵豉湯，都有好多款式可以選擇。
張貼
