拉麵太郎 (已結業)

講到拉麵，最喜歡嘅都是日本拉麵，無論是湯麵抑或是沾麵。在香港要食到好食嘅日本拉麵並不難，蝴蝶結姐姐就在灣仔發現了這一間來自京都的日本拉麵店-拉麵太郎。餐廳的牆上掛上了京都嵯峨野、嵐山風景等照片，加上日式裝修，頗有日本風味。而且餐廳寬敞，座位亦坐得舒服。招牌太郎拉麵，材料十分之豐富，有兩片厚身叉燒、糖心蛋、紫菜、粟米、木耳，呷一口豬骨湯，湯頭濃郁，枱面亦有一些蒜蓉、辣椒醬調味，是自家炮製的。而朋友則點要咖喱拉麵配牛肉，香濃嘅咖喱黏稠度剛剛好，配合拉麵一齊食，非常惹味，加上牛肉片口感更為豐富。如果唔夠嘅話，可跟餐多加一個迷你牛肉丼，鋪滿牛肉的丼，真是很吸引，煙韌彈牙的珍珠米配上牛肉真係好鬼夾！另外我們亦點了一客炸雞，是這裏的招牌菜式來呢！每一件炸雞塊都去了骨，外表炸得金黃，內裏鬆軟多汁，少食煎炸物的我都忍唔住食多了幾件。這個京都拉麵真是不錯，話咁快就食到見碗底啦～喜歡食拉麵的朋友，在灣仔這裏就又多個選擇啦！