影片
更多
2024-11-17
137 瀏覽
今日去咗灣仔位於QRE Plaza一間叫「The Oyster House 」嘅餐廳食晚餐，餐廳嘅燈光昏暗，一踏入去已經感受到有氛圍嘅環境，中間有幾張梳化位嘅圓枱，旁邊亦都有唔少長方形嘅中枱，燈光聚焦喺餐枱留嘅中心，令到每一碟食物上枱嘅時候都好似打咗燈咁靚。🍊海鮮拼盤 Seafood Platter 餐廳做緊一個好抵嘅特別優惠，星期一同二只需$99就食到一個豐富嘅二人份量海鮮拼盤，星期三至日就$199，都係非常抵食嘅冷盤前菜。海鮮拼盤包括法國黃金螺兩隻、新鮮空運生蠔兩隻、北海道帶子兩隻、紐西蘭青口四隻同日式磯煮鮑魚兩隻，全部都好新鮮同足料。法國黃金螺嘅螺肉口感結實彈牙，生蠔重海水味又幾大隻，北海道帶子味道鮮甜，紐西蘭青口嘅肉質飽滿，日式磯煮鮑魚嘅味道帶有醬油嘅甜味，而且煮得好腍身入味🍊焗蠔 Classic Baked Oyster焗蠔有四隻，我哋揀咗忌廉菠菜同芝士煙肉兩款口味各兩隻，混合味道要額外加$20，焗蠔嘅尺寸較細，忌廉菠菜嘅口感順滑，芝士煙肉就焗得比較乾身🍊自家製蟹餅 Homemade Crab Cake蟹餅有三件，用咗用咗蟹肉、麵包糠、洋蔥、芫荽等材料制成嘅蟹餅，即叫即炸，食
🍊海鮮拼盤 Seafood Platter
餐廳做緊一個好抵嘅特別優惠，星期一同二只需$99就食到一個豐富嘅二人份量海鮮拼盤，星期三至日就$199，都係非常抵食嘅冷盤前菜。海鮮拼盤包括法國黃金螺兩隻、新鮮空運生蠔兩隻、北海道帶子兩隻、紐西蘭青口四隻同日式磯煮鮑魚兩隻，全部都好新鮮同足料。法國黃金螺嘅螺肉口感結實彈牙，生蠔重海水味又幾大隻，北海道帶子味道鮮甜，紐西蘭青口嘅肉質飽滿，日式磯煮鮑魚嘅味道帶有醬油嘅甜味，而且煮得好腍身入味
🍊焗蠔 Classic Baked Oyster
焗蠔有四隻，我哋揀咗忌廉菠菜同芝士煙肉兩款口味各兩隻，混合味道要額外加$20，焗蠔嘅尺寸較細，忌廉菠菜嘅口感順滑，芝士煙肉就焗得比較乾身
🍊自家製蟹餅 Homemade Crab Cake
蟹餅有三件，用咗用咗蟹肉、麵包糠、洋蔥、芫荽等材料制成嘅蟹餅，即叫即炸，食落非常香脆可口，有啖啖嘅蟹肉，而炸物配沙律醬都好夾，不過略嫌伴碟嘅沙律醬份量較少
🍊原條龍蝦尾扁意粉 Lobster Linguine
呢個扁意份嘅賣相好吸引，原隻半邊龍蝦覆蓋咗成隻碟，龍蝦嘅調味同醬汁都好濃郁，但略嫌龍蝦肉較細件唔喺幾夠喉，不過值得一讚係個龍蝦醬汁好好味，帶有龍蝦嘅鮮味同蝦膏嘅濃味，醬汁濃稠到可以掛喺意粉上面，令意粉好入味，配埋清甜嘅蕃茄仔一齊食可以清新咗味蕾。
📍灣仔皇后大道東202號QRE Plaza 25樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊
整體CP值：🍊🍊🍊🍊
張貼
