影片
更多
2022-05-11
365 瀏覽
媽媽節當然要食返餐好嘅‼️幫襯過哩間好多次，每次都冇令我失望，今次就訂個靚位同阿豬媽食正野啦😆今次只係提前幾日book，原本都好驚冇位，好彩我地唔介意早啲食，訂咗5點半嘅位，職員安排咗張窗口靚卡位俾我地，可以邊食邊欣賞夜景啦🌃✨台灣貴妃烏龍每枱都有一壺茶，烏龍味道香濃唔苦澀，食火鍋去油膩必備👍🏻✨冰沙係乳酸冰沙嘅味道，用餐中段時間就會送上。如果食咗辣野嘅話，都幾解辣架！而且酸酸甜甜都幾開胃，飲完又可以繼續食🤭✨梅子茶凍餐後奉上每人一碟茶凍，茶凍中間有一粒梅子，味道帶點酸酸地，食完火鍋又辣又膩，食返個茶凍成個人感覺清新返哂🌿✨前菜 & 水果（自助吧 - 每位$19）醬料、前菜、水果等都係自助形式，可選擇嘅醬料款式好多，總會揀到啱口味👍🏻 另外白飯任裝，仲可以配埋台式肉燥汁撈飯。前菜有中華沙律同魚皮，水果有車厘茄、西瓜同埋哈蜜瓜，水果款款都好甜😋 ✨台式麻辣鍋 $138（鴛鴦鍋）愛辣肥b必點湯底😆 雖然我唔係好食得辣，但都難以抗拒鴨血嘅引誘😏 任食鴨血真係超級正😍 同我一樣唔係好食得辣嘅朋友都一樣可以試吓，只要小心唔好食到辣椒籽嘅話，其實一樣可以食到哩個湯底🤪 ✨紅顏花膠雞鍋 $138（鴛鴦
媽媽節當然要食返餐好嘅‼️幫襯過哩間好多次，每次都冇令我失望，今次就訂個靚位同阿豬媽食正野啦😆今次只係提前幾日book，原本都好驚冇位，好彩我地唔介意早啲食，訂咗5點半嘅位，職員安排咗張窗口靚卡位俾我地，可以邊食邊欣賞夜景啦🌃
✨台灣貴妃烏龍每枱都有一壺茶，烏龍味道香濃唔苦澀，食火鍋去油膩必備👍🏻
✨冰沙
係乳酸冰沙嘅味道，用餐中段時間就會送上。如果食咗辣野嘅話，都幾解辣架！而且酸酸甜甜都幾開胃，飲完又可以繼續食🤭
✨梅子茶凍
餐後奉上每人一碟茶凍，茶凍中間有一粒梅子，味道帶點酸酸地，食完火鍋又辣又膩，食返個茶凍成個人感覺清新返哂🌿
✨前菜 & 水果（自助吧 - 每位$19）
醬料、前菜、水果等都係自助形式，可選擇嘅醬料款式好多，總會揀到啱口味👍🏻 另外白飯任裝，仲可以配埋台式肉燥汁撈飯。前菜有中華沙律同魚皮，水果有車厘茄、西瓜同埋哈蜜瓜，水果款款都好甜😋
124 瀏覽
0 讚好
0 留言
愛辣肥b必點湯底😆 雖然我唔係好食得辣，但都難以抗拒鴨血嘅引誘😏 任食鴨血真係超級正😍 同我一樣唔係好食得辣嘅朋友都一樣可以試吓，只要小心唔好食到辣椒籽嘅話，其實一樣可以食到哩個湯底🤪
✨紅顏花膠雞鍋 $138（鴛鴦鍋）
每次都一定要點哩個湯底🤤 食火鍋前要先飲一轉湯，飲完之後職員會再加湯先開始食火鍋。湯底用花膠雞熬製而成，再加埋細細粒鮑魚仔、野米同埋花菇。一飲落口真係不得了，每啖都好杰，充滿骨膠原，雞湯味超級香濃，重點係咁濃郁嘅湯油分卻唔多，咁就點飲都唔怕肥啦😍 食火鍋都可以滋補養顏💜
山海一盤
$588
309 瀏覽
1 讚好
0 留言
一睇到擺盤就知係打卡必備😏 今次冇三文魚同北寄貝，改為墨魚仔同巴沙魚，魚塊腍滑仲要冇骨👍🏻 兩隻鮑魚一樣大大隻，頂層嘅文蛤粒粒都好乾淨而且好甜。牛肩肥瘦適中，唔會太油膩亦唔會食落好韌。唯一美中不足係啲蝦，好似唔夠新鮮，食落蝦肉唔夠甜亦唔爽口。
鮑魚
$108
142 瀏覽
0 讚好
0 留言
上枱後仲見到佢地喺度郁，夠哂新鮮🤓 只需要淥1-2分鐘就食得，太耐會太熟。今次淥咗兩分鐘左右，一咬就好腍，仲有啲啲爽爽地嘅感覺，一啲都唔韌，真係剛剛好👍🏻 新鮮嘅真係唔同啲🤤
企鵝丸（墨魚漿製）
$59
72 瀏覽
0 讚好
0 留言
可愛嘅企鵝真係唔捨得食佢😆 粒丸咬落爽口彈牙，入面仲咬到一粒粒墨魚肉，有多重口感，味道亦濃郁，食到唔係用粉整嘅😂
風味鴨腸
$58
99 瀏覽
0 讚好
0 留言
淥到有卷度就可以，食落有脆口感，又係一樣好爽口嘅食物🤩
毛肚
$88
50 瀏覽
0 讚好
0 留言
只需要8秒就已經食得，唔洗淥咁耐，時間剛剛好嘅話就好爽口，大大片都唔怕韌👏🏻
時蔬拼盤
$138
56 瀏覽
0 讚好
0 留言
喜歡食蔬菜類嘅朋友可以點哩個拼盤，有齊多款瓜菜類。粟米蘿白都好香甜，入面仲有紫薯同蕃薯，原本覺得食火鍋淥蕃薯好似怪怪地咁，但咸味嘅湯底配埋蕃薯竟然更加甜，更突出咗蕃薯本身嘅香味👍🏻 火鍋食咗咁多肉類，食返咁多款蔬菜就飲食均衡啦✌🏻
茉香奶綠
$27
85 瀏覽
0 讚好
0 留言
果然係我最愛嘅飲品，每次水準都保持到一樣，冇令我失望👍🏻 習慣每次都係叫少甜，甜味就剛剛好，完全唔會俾甜味蓋過一切。奶滑香濃，淡淡嘅茉莉花香加埋綠茶夠清新，飲哂成杯都唔會太膩😋
🔍整體感覺：職員服務態度友善，主動提出幫我地加鴨血😆 兩款湯底都係我地嘅必選，花膠雞湯更係我嘅至愛💜 食物質素都保持得好好，每次食都係新鮮海產，鮮味不減🤤 茉香奶綠雖然係我最愛，但其他飲品其實都做得好有水準，大紅袍珍珠奶茶同珍珠奶綠亦係我好喜歡嘅味道😋 以如此質素食物嚟講，性價比好高👍🏻
張貼
