雞翼山 (謝斐道) (已結業)

行過雞翼山好幾次，上次忍唔住一個毒毒走去食個 $118 餐，飽到唔駛食飯⋯⋯今日約到朋友，終於可以有人同我 share 喇！叫左個 $128 嘅餐，包 4 款 16 隻雞翼，同埋兩杯野飲。其實個價錢對於小食黎講，係有少少突破左心理關口，不過我諗食 KFC 都要 $6 一隻雞翼？呢度除番開又唔係真係貴左好多。今次叫左嘅口味有鹹檸七、避風塘蒜香、韓式蟹皇蟹籽、同咸蛋黃 4 隻味。至於飲品就叫左薄荷冰綠茶同伯爵冰茶。雞翼方面我個人最喜歡避風塘蒜香同咸蛋黃，呢兩隻都好足料！避風塘醬料好夠，食落脆炸嘅雞翼底係有辣味。店員特意提醒避風塘味要最後食，因為會蓋過其他雞翼嘅味，好細心！咸蛋黃味亦係好足料嘅咸蛋黃醬，掛上雞翼度配合得幾好，唔係醬還醬雞翼還雞翼嘅。至於韓式蟹皇蟹籽同我本身想像嘅韓式味有少少出入。我以為會有韓式辣味，但原來佢用左醬油蟹嘅做法去做，所以唔係有辣味，反而係食到好多蟹膏嘅鮮味。咸檸七味，主要酸酸甜甜，食落都係好食嘅，但就無之前嗰幾隻味道咁出色。至於兩杯飲品，食完雞翼會口乾要黎解渴就啱晒！薄荷味同伯爵茶兩杯都係解渴之選。可惜飲品細杯左少少，如果大杯番少少就更好！雖然 $128 有少許貴