OH MY GOOSE! (已結業)

喺附近同朋食頹飯，見上次又幾好食，於是就再嚟多一次今次叫咗一個「流心蛋手撕叉燒蔥油飯」（$54），等咗一陣就有得拎，效率都唔錯。嚟到之後，首先覺得佢嘅賣相又真係幾鬼好：個底係青翠嘅綠色蔥油撈飯，上面圓圓哋咁圍住一條條手撕叉燒，最頂呢，就係半熟流心蛋，賣相同張相係九成似！（呢個亦都係我最欣賞佢哋嘅地方！）好喇講完賣相就講吓味道。先講最好食嘅飯，夠味唔鹹又帶油香，非常正；上面嘅叉燒係普通料啦，唔特別香又乾身冇乜油，差咁啲啲；而個流心蛋係真係幾流嘅，不過可惜蛋味唔濃，如果肯用日本蛋肯肯定成件事即刻唔同晒，不過成本問題啦，做到咁已經唔錯了。