Brass Spoon (已易手)

星期六難得行星街、月街，晏就見人少少當然去試間米芝連越南嘢啦！等候時間大約5分鐘，由於以前經過都排長龍，今次可能應該係個別事件。入到去鋪頭唔大，有啲逼。原來呢間鋪嘅湯面除咗以牛湯為主外，就連餸都係牛，當然可以另加其他餸啦。最後叫咗燒豬肉檬粉。「燒豬肉檬粉」檬粉同其他方間越南餐廳嘅唔同，呢間嘅檬粉，比較爽同埋好咬口；而燒豬肉用薄片豬肉，而且燒到有焦香；檬粉撈埋其他材料，加少少「撈檬粉支汁」，已經夠哂味。總結，如果鍾意食牛又鍾意食越南河嘅人，建議試試呢間米芝連；唔食牛都可以試下佢哋嘅燒豬肉檬粉，都唔錯。