韓 炸雞 & 小食 (已結業)

行新K11行到攰攰地就係B2揀咗間韓國小食店食下，點知好食又幾大份，結果當咗正餐完成了～圖入面有果醬雞，無骨炸雞，同埋連住可樂杯嘅雞米花，三種唔同滋味。但共同點係雞肉都夠嫩滑，尤其本身係擔心個無骨炸雞會好柴，因為好多地方做無骨炸雞都係用雞胸果啲位搞到好難食，但呢間保持到佢嘅嫰度，值得一讚！當中果醬雞係加咗酸酸甜甜嘅醬汁，好開胃，係較深印象嘅一款！呢餐兩個人食咗HK$123但已經夠飽，所以個性價比係幾高，你平時去食韓國炸雞人均都要HK$100以上埋單，仲要可能得一種味，所以呢間小食可以滿足到大家幾個願望！