Emack & Bolio's (已結業)

係中環返工成日都會經過呢間雪糕店，色彩繽紛🌈嘅雪糕筒最啱打卡，估唔到我第一次食就已經係最後一次🙈，皆因佢即將全面撤出香港，最後一間分店將於今個月22號就結束營業。朋友對佢有情義結，所以陪佢黎食最後一次。signature 嘅雪糕筒已經無曬，雪糕味道得返一隻味， 食落味道又唔錯，第時去旅行遇見可以encore。🌖岩鹽朱古力花生醬 $53食咗朋友嘅一啖雪糕，朱古力味同花生醬味都好濃，朱古力味唔會太甜，而且花生醬嘅鹹味同朱古力嘅甜味真係好夾，裡面仲有粒粒朱古力！食一啖就覺得好好味，唔知食得多會唔會覺得膩呢～最穩陣都係同朋友一齊開心share，不過可以開心嘅日子所餘無幾啦，大家把握最後幾日💪🏻。