荔香園冰室 (已結業)

本人一往鍾意懷舊，呢間70年代風格嘅裝修好啱我，任何位置都係打卡位🥰每一個角落都好用心佈置，務求做出到香港嘅情懷😍而且食物質素同一般嘅冰室好唔同，懷舊得黎又加點創意。流心蛋牛肉菠蘿包成個包都超足料，太陽蛋煎得好靚，切開黎蛋黃流晒出嚟，好吸晴，裏面嘅牛肉大大片，口感嫩滑，加上厚切蕃茄好夠fresh ，仲有芝士喺入面，好似食緊漢堡包咁，最驚喜係幫個包影咗一陣相，菠蘿包嘅面仲係脆口嘅，反映出麵包夠哂新鮮😋賣相好吸引芝士流心厚西多士聽個名就知吸引,西多士記住要趁熱食，會有流心效果，芝士嘅咸香味好突出，加埋糖漿甜甜地食非常邪惡！瑞士巨髀芝士汁撈麵瑞士巨髀同撈麵係分開上，巨髀真係好大隻，食落啖啖肉，好香好入味，瑞士汁好濃，肉質淋淋地，加上滿滿既芝士汁撈麵，大滿足🥰招牌紅豆奶茶🧋呢杯係黎懷舊冰室必點既飲品，一上台覺得杯飲品色彩好分明，誠意之作，最特別既係飲品用左奶茶，出面紅豆飲品剩係多數只有淡奶選擇。第一啖飲落去已經覺得有好濃嘅奶茶味，同底部甜甜地嘅紅豆味好夾，諗返起細個飲紅豆冰嘅日子。龍鳳檸樂 🍋港式冰室常見嘅飲品，除左檸檬，仲有一舊咸柑桔🍊，酸酸咸咸咁加上少少可樂甜味，味道層次比檸樂豐富👍