影片
更多
2022-07-10
756 瀏覽
家陣做餐廳真係一啲都唔易，除咗食物質素要夠好，更要講求賣相、食物打卡度。就好似呢間位於尖沙咀天文台圍嘅一間新開居酒屋咁，呢度除咗食材全部每日產地直送外，店內多款菜式都係師傅自家製，賣相同出面居酒屋好唔同，真心欣賞佢哋嘅熱誠，值得表揚一吓！ 🍱 鳥．姫二人御前刺身料理晚餐 ($898)，嚟得呢間食，阿叔首選只可喺呢度預訂嘅二人御前刺身料理晚餐。單睇兩層高嘅賣相、非常精緻嘅擺盤，好似平時去食英式下午茶咁，阿叔見到都忍唔住嘩嘩聲，9秒9要相機食先！ 成個餐極之豐富，總共分上、下兩層，上層一大盤刺身，包括：蜜柑鯛、鮫鰈魚、醬油赤身漬、油甘魚、大拖羅、北海道海膽、帶子、日本赤牡丹蝦；下層則有多件壽司：中拖羅、油甘魚、金雕、甜蝦、赤身山芋蓉、島池魚配自家製XO 醬、紫菜帆立貝同埋蔥吞拿魚蓉多士，包你食得好滿足！ 🐔 自家製⽉⾒免治雞 ($58)，免治雞棒相信好多居酒屋都有提供，不過呢款圓轆轆嘅造型都係第一次見。聽店員介紹，原來出面食到的多數係供應商一早做好，但呢度就真係由師傅自家製，所以外型與別不同，而且口感更爽口彈牙。 🍢 阿波尾雞串燒系列 ($148)，阿波尾雞，屬於日本德島縣嘅走地雞，唔單止
🍱 鳥．姫二人御前刺身料理晚餐 ($898)，嚟得呢間食，阿叔首選只可喺呢度預訂嘅二人御前刺身料理晚餐。單睇兩層高嘅賣相、非常精緻嘅擺盤，好似平時去食英式下午茶咁，阿叔見到都忍唔住嘩嘩聲，9秒9要相機食先！
成個餐極之豐富，總共分上、下兩層，上層一大盤刺身，包括：蜜柑鯛、鮫鰈魚、醬油赤身漬、油甘魚、大拖羅、北海道海膽、帶子、日本赤牡丹蝦；下層則有多件壽司：中拖羅、油甘魚、金雕、甜蝦、赤身山芋蓉、島池魚配自家製XO 醬、紫菜帆立貝同埋蔥吞拿魚蓉多士，包你食得好滿足！
🐔 自家製⽉⾒免治雞 ($58)，免治雞棒相信好多居酒屋都有提供，不過呢款圓轆轆嘅造型都係第一次見。聽店員介紹，原來出面食到的多數係供應商一早做好，但呢度就真係由師傅自家製，所以外型與別不同，而且口感更爽口彈牙。
🍢 阿波尾雞串燒系列 ($148)，阿波尾雞，屬於日本德島縣嘅走地雞，唔單止肉質富彈性，而且脂肪含量較低，肉味又夠濃。呢個餐包有雞翼、雞皮、雞軟骨、雞腎等5款串燒，畀你試多幾個唔同部位。
🦀 燒甲羅蟹道樂 ($88)，店員會喺你面前即叫即燒，包保新鮮熱辣辣，阿叔最鍾意嗰份超濃郁嘅蟹膏味，食完會好有罪惡感。
🍚 雞白湯茶漬飯 ($116)，想食啲澱粉質? 可以嚟過茶漬飯，佢哋嘅雞湯超鮮甜濃郁，幾飽都有試吓，最鍾意飲湯嘅阿叔真心推介！
☝🏽總結，呢間新開居酒屋嘅選擇都幾多樣化，基本上佐酒小食、刺身、串燒、炸物、拉麵、炒飯樣樣有齊，鍾意飲酒人士更有多款日本清酒、梅酒、啤酒可揀，宜家每人食滿$400，仲可加$108任飲啤酒添，真係可以飲飽食醉喇！
張貼
