定食8 (已結業)

又係放假時間，緊係周圍去，見下朋友，食下好嘢啦！今次嚟到荃灣行街，朋友帶我去呢間喺悅來坊嘅日式餐廳。外面都幾企理，好似幾好咁。下午茶嚟緊係少啲人啦，望落都幾乾淨。好平嘅下午茶，23至33元，堂食自助bar枱可以無限添飯，味噌湯，配料同埋麥茶。呢個係牛仔骨丼飯，牛仔骨整得好味，剛剛好熟，飯都可以接受。23元天婦羅丼飯邊度搵，基本天婦羅款都有齊，粉不厚，上菜時仍熱，不過唔夠味。自助區都乾淨，唔會左一撻右一撻。坐坐下都越黎越多人，想食個平下午茶，可以揀呢間。