名捌月 (已結業)

病咗好幾個禮拜，成日食清嘢，明明好番啲都唔敢亂黎，大家都要保重，呢輪天氣真係😥😥係未病之前，朋友帶左我嚟呢間食。我每年都會黎一次荃灣，拜年探親，唔係好熟路。呢間對我黎講易搵，係地鐵一出，行去對面南豐，有條迴旋樓梯落去，好易見到👍🏻好搶眼嘅招牌算多嘢食，有啲仲好邪惡添先上例湯，打溶咗菇湯，唔算太濃。點埋佢呢個烘過嘅包條，脆口，幾特別。邪惡之旅開始，先黎咸金沙炸薯條，58元，喜歡邪惡美食嘅您唔好錯過，平時點一客薯條都要4，5十元，呢個58元好值，加左咸蛋黃，真係不得了，唔會翻炸，即叫即整。蟹肉蟹膏意粉，168元，呢個份量唔算多，但料比您想像足，啖啖蟹味，超濃。最後就係豬手，238元，超多肉，皮炸得夠脆，真係要同時間競賽，一上枱就要食。整體唔錯，各樣都好食，店員服務可以。