華香雞 (已結業)

黎到假日，探下朋友係要嘅，新手媽媽都需要空間發洩下。朋友住附近，佢都推介我地要試，難得入到度都試試佢。小店一間，有嘅係簡單嘅設計。幫襯個日都見一直有人流，呢度唔係好繁華，以為生意會麻麻。見到係用木桶上雞，幾特別，可惜我地得兩個人。點左醉雞食，都幾好味，雞浸得算耐，酒味又唔會過濃，雞肉都滑，整體都唔錯。叫咗牛腩，呢個還好，多筋位，入味，不過唔算好腍。我會覺得雞好過腩。黃姜飯，同我食開有小小唔同，平時係lim啲軟身味濃啲，依個係粒粒分明啲味道淡啲。