川燒王

營業中

休息中

【荃灣區】【川燒王】凌晨時份喺荃灣搵嘢食，同得皮蛋哥一齊食嘢，食唔到好嘢嘅話佢會詐型，所以一定要小心選擇。除咗周街都係嘅茶記之外，喺四陂坊仲隱藏咗一間川式串燒店，我睇佢個格局覺得可以試吓，就同皮蛋哥入去坐低。都幾有內地細小食店嘅風情，有 feel。先試 $38 隻「蒜蓉扇貝」，一人一隻，面頭啲粉絲索晒汁，蒜蓉味又重，配合埋本身嘅主角扇貝，成件事好正。跟住試 $15 嘅「韭菜」，一大捆咁樣嚟，面頭灑滿辣粉，邪惡度爆晒錶。試埋 $13 嘅「豆卜」，都燒得唔錯，外面脆卜卜得嚟，裡面唔會太硬。之後一人試一串 $35 嘅「惹味燒雞子」，燒完好香，口感實在。最後試 $45 嘅「厚切牛舌心」，幾好食嘅一款嚟。皮蛋哥飲 $13 罐嘅「加多寶」，我就飲 $16 枝嘅「竹蔗茅根」，啱啱好。咁樣夾埋 $248，喺香港凌晨食串燒嚟講，我覺得可以接受嘅。。。（地址：荃灣德海街18號富利達中心地下F2號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food