影片
更多
2022-09-22
49 瀏覽
荃灣真係越來越多好野食，尤其係荃灣西一帶😍最近同朋友去左荃新天地一間以鹿🦌同森林為主題既餐廳食飯～其實我地都第二次黎架啦，前幾年岩岩新開個陣都試過一次，隔左咁耐決定再黎試試😙◦ 焗明太子蟹肉酥盒 ($128)呢份酥盒每一粒既外層都好香脆，中間空心既地方裝著明太子蟹肉，明太子香氣撲鼻而來，蟹肉份量又夠多，整體黎講幾好食，食每一粒都覺得好滿足❤️◦ 北海道帶子海鮮意大利飯 ($178)呢份意大利飯除左有帶子之外仲有青口同蜆，飯粒煮得粒粒分明，食落比較硬身，整體份量幾大都唔錯～◦ 蘋果金寶配雪糕 ($58)蘋果肉份量都幾多，配埋唔同配料同埋雪糕作為甜品都幾好食😘◦ Premium Tiramisu Set ($58) 呢份Tiramisu同我想像中唔同，餐廳會提供手指餅、咖啡☕️同埋芝士，客人可以自己將手指餅放入咖啡或者芝士入面，鍾意咖啡味濃d既可以浸咖啡浸耐d，相反如是～可能因為唔熟手，將手指餅浸落咖啡後好快就因為太濕而斷左，好難控制味道😂下次呢個重任都係交番比專業既廚師好d🤪◦ 北極光/粉紅Pinky Pinky ($52/$48) 餐廳提供既特飲款式多籮籮，同朋友左揀右揀先揀到呢兩杯😂北極
荃灣真係越來越多好野食，尤其係荃灣西一帶😍最近同朋友去左荃新天地一間以鹿🦌同森林為主題既餐廳食飯～其實我地都第二次黎架啦，前幾年岩岩新開個陣都試過一次，隔左咁耐決定再黎試試😙◦ 焗明太子蟹肉酥盒 ($128)
呢份酥盒每一粒既外層都好香脆，中間空心既地方裝著明太子蟹肉，明太子香氣撲鼻而來，蟹肉份量又夠多，整體黎講幾好食，食每一粒都覺得好滿足❤️
焗明太子蟹肉酥盒
$128
5 瀏覽
0 讚好
0 留言
◦ 北海道帶子海鮮意大利飯 ($178)
呢份意大利飯除左有帶子之外仲有青口同蜆，飯粒煮得粒粒分明，食落比較硬身，整體份量幾大都唔錯～
◦ 蘋果金寶配雪糕 ($58)
蘋果肉份量都幾多，配埋唔同配料同埋雪糕作為甜品都幾好食😘
◦ Premium Tiramisu Set ($58)
呢份Tiramisu同我想像中唔同，餐廳會提供手指餅、咖啡☕️同埋芝士，客人可以自己將手指餅放入咖啡或者芝士入面，鍾意咖啡味濃d既可以浸咖啡浸耐d，相反如是～可能因為唔熟手，將手指餅浸落咖啡後好快就因為太濕而斷左，好難控制味道😂下次呢個重任都係交番比專業既廚師好d🤪
◦ 北極光/粉紅Pinky Pinky ($52/$48)
餐廳提供既特飲款式多籮籮，同朋友左揀右揀先揀到呢兩杯😂北極光係用青蘋果、薄荷、蘋果汁同埋青檸調配而成，望落同飲落都幾refresh；粉紅Pinky Pinky就係用左蘋果汁同西柚汁調配而成，粉紅色既佢真係幾吸睛😙飲落都幾舒服唔錯～
餐廳宜家推出左唔同優惠，每個月份的週一至週四都會有新優惠，例如星期一/二/三/四有$10春雞優惠，我去個日都有$10生蠔🦪優惠～
餐廳裝修都幾新淨，門口仲有兩個鳥籠打卡座位，如果想坐記得book位個陣講低🤣
💰Total: $574 ($287/pp 已包括10%服務費)
📍Deer Kitchen｜@deerkitchenhk2018
荃灣楊屋道1號荃新天地一期地下G06-G07號鋪(到訪分店)
觀塘興業街4號The Wave 6樓01室
張貼
