牛牛日式火鍋放題 (海之戀商場) (已結業)

放題係我既死敵，因為我又係會好開心食到忘我，停唔到口🙊 位於海之戀商場既牛牛殿堂，座位好闊落，今次安排到窗邊海景卡位坐得好舒服，相信日頭黎望住藍天海景又係一番享受❤️ 90分鐘晚市放題套餐 (5:00-10:00pm)成人 $198 / $228 / $248 / 🔺$298 / $588 位今次我揀選佐$298位 - ✦ 美國產極選牛小排及嚴選海鮮放題套餐套餐有肉類牛、羊、豚肉，5品海鮮放鮮放題：海螺、扇貝、八爪魚仔、鳯尾蝦、青口，4品炸物放題，另外仲有日本清酒及朝日啤酒放題🍺除佐手機以上落單之外，仲有自助區，飲品、配料、炸物、小食、混醬，雪糕😇 一坐低第一件事就係唔知食邊樣先😍 冇問題，極速拎晒中意食既先～ 再食住落單🥳 晚市每枱一黎仲會送章魚小丸子~肉類真係好高質，淨係賣相擺放都好靚好吸引😍 套餐仲有個蔬菜盤上返，海鮮全部都幾有鮮味，唔錯☺️ 炸物當中最中意就係榴槤炸彈🤪有冇人同我一樣，打邊爐食到最後點都要落個麵食下😝 食到咁上下落佐個台灣波浪紋寬扁麵，好好食😍 啊！係仲有湯底，餐廳係採用一人一鍋形式，所以可以各自揀選返自己中意既湯底🤪 我地揀佐日式麻辣&壽喜燒月光鍋(配有日本生蛋)