小神燈新派飯館 (已結業)

小神燈新派飯館我已經食過好多次，因為佢地經常有新款菜式同埋每次都好有水準好出色😋 今日同朋友嚟試下海鮮大餐🦐🍤🦐 爆膏奶油蝦味道濃郁豐富，結合左奶油嘅香甜同蝦肉嘅鮮美，蝦肉鮮嫩爽甜。🌶️ 椒鹽瀬尿蝦椒鹽嘅調味令瀨尿蝦味道更有層次，再加埋炸蒜同辣椒超級惹味！瀨尿蝦本身鮮甜嫩滑，外層嘅殼都炸得好酥脆👍🏼 鍾意食香口野同辣嘅朋友一定要點嚟試下！🍤 金沙鬼馬百花釀油條呢個菜式好有驚喜，除左外層鹹蛋味好香濃，油條內裏仲釀左超彈牙嘅蝦膠，即叫即炸勁好食🤤🐚 沙薑焗海花螺 花螺好乾淨，完全冇沙石。第一次食花螺係用沙薑嘅方法調味，味道幾特別，絕對係伴酒小菜👍🏼🥬 啫啫唐生菜煲超級有鑊氣，唐生菜好爽脆嫩口！而且有蝦乾增加左香味同口感😊金沙炒涼瓜涼瓜好甘香，配上鹹蛋黃嘅香味好夾！超推介大家嚟食，之前好多朋友睇過我推介去食，食完都大讚，新菜式都好值得再食！