影片
更多
2022-09-03
454 瀏覽
星期四晏晝去完party room玩夜晚再食飯同朋友聚下，以往嚟到葵涌淨係識去葵廣搵食。近近地係附近搵到間西餐。入到去第一感覺好靜，餐廳好大但無咩客，女侍應好有禮貌安排我地入座，又怕冷氣太凍之後安排我地轉咗個位。 🏠環境 ： 餐廳座位非常闊落，3、4個人坐卡位都完全唔會覺得逼。燈光柔和，暗暗地亦比較靜，相對有情調。 🍳食物： 因為晏晝都食得幾飽，我地3個人叫咗2個餐share一齊食。餐牌選擇唔算好多，不過有2款2人餐同埋其他幾款主食揀，而幾款主食其實同2人餐既都係一樣，只係2人餐多個前菜。 餐包有2款，一個有少少芝麻味，兩個都係有咬口既餐包，我覺得幾好食。今日係椰菜花濃湯，味道正常帶微甜。 餐飲叫咗熱蜜糖紅茶，味道正常不過再熱少少會比較好。 💥鮮蝦 ‧ 虎蝦 鮮濃龍蝦蛋湯蛋包意大利飯 $168 (+$20 轉套餐 : 餐湯、餐包加飲品) (8/10)一上菜就覺得都幾大碟，有D裝飾感覺上豐富。蛋香味唔算好重，risotto 都幾掛汁唔會淋哂但又未至於好有咬口，食完唔會好口渴，起碼有4隻大蝦，食落去都彈牙唔會霉，味道唔錯。💥炭燒肯瓊香料巨大厚切美國豬肉眼扒燒鮮菠蘿 $145 (+$20
🏠環境 ： 餐廳座位非常闊落，3、4個人坐卡位都完全唔會覺得逼。燈光柔和，暗暗地亦比較靜，相對有情調。
🍳食物： 因為晏晝都食得幾飽，我地3個人叫咗2個餐share一齊食。餐牌選擇唔算好多，不過有2款2人餐同埋其他幾款主食揀，而幾款主食其實同2人餐既都係一樣，只係2人餐多個前菜。
餐包有2款，一個有少少芝麻味，兩個都係有咬口既餐包，我覺得幾好食。今日係椰菜花濃湯，味道正常帶微甜。
餐飲叫咗熱蜜糖紅茶，味道正常不過再熱少少會比較好。
💥鮮蝦 ‧ 虎蝦 鮮濃龍蝦蛋湯蛋包意大利飯 $168 (+$20 轉套餐 : 餐湯、餐包加飲品) (8/10)
一上菜就覺得都幾大碟，有D裝飾感覺上豐富。蛋香味唔算好重，risotto 都幾掛汁唔會淋哂但又未至於好有咬口，食完唔會好口渴，起碼有4隻大蝦，食落去都彈牙唔會霉，味道唔錯。
💥炭燒肯瓊香料巨大厚切美國豬肉眼扒燒鮮菠蘿 $145 (+$20 轉套餐 : 餐湯、餐包加飲品) (7/10)
沙律菜好fresh，紫菜薯條好食，豬扒厚薄適中，炭燒味好濃，咬落都夠淋，但食多2啖唔覺得好好味，因為食落無豬扒味感覺上就要用好重炭燒味上味咁。燒菠蘿都甜，不過食落有少少酒醉味咁，反而解唔到豬扒個重炭味，自已覺得一般。豬扒點咗茄汁好食咗，燒汁味道正常。
✨價錢 : 正常價唔算貴，加上坐得舒服，都值得推介，會再想去食。去之前係openrice見到book位有9折，當日我地無book到位但睇返張單都有俾9折我地。
#葵涌美食 #葵涌西餐 #葵涌意粉 #香港美食 #lazyfoodie葵涌
張貼
