影片
更多
2023-06-13
42 瀏覽
上星期五收工過嚟中環呢邊同朋友食居酒屋，餐廳唔大但係感覺非常溫馨，而且入面嘅店員都非常友善，睇完價錢都ok就決定入去。———————————————🌟炸物拼盤 $110 一共有三種分別係炸池魚、炸豆腐同雞軟雞，每一樣都炸得好香，豆腐入面好軟滑，雞軟骨基本上都連肉，大大粒食落好滋味。池魚味道都好香，不過稍微有少少細骨，大家食嘅時候要小心啲～.🌟煙三文魚沙律 $78呢個沙律真心幾抵叫，因為份量其實都算多，計埋好似有7－8塊三文魚，醬汁唔會話落得太多啱啱好。.🌟牛舌 $48牛舌超厚肉，最前果塊有少少焦不過完全都唔阻礙成串牛舌嘅美味，咬落去好滿足。.🌟牛肋肉 $38燒得好軟腍，咬落去牛味好重仲要好Juicy😋.🌟雞中翼(2隻) $38雞中翼個調味我個人幾鍾意，個皮燒得香脆又咸咸地👍🏻.🌟日本大蔥黑豚肉串 $68豚肉每舊都係半瘦半肥，咬落又香又多汁，中間嘅大蔥又可以中和返果種肥膩感😋.🌟鰻魚 $48相影落唔算大舊，但個人認為每舊個份量啱啱好，每啖食落去都好滿足。.🌟海鹽雪糕呢個雪糕個人認為係好好食，首先佢雪糕本身調味好出色，咸咸地又甜甜地完全唔會覺得有沖突，其次係佢成個甜品係加有好多唔同嘅配料，
———————————————
🌟炸物拼盤 $110
一共有三種分別係炸池魚、炸豆腐同雞軟雞，每一樣都炸得好香，豆腐入面好軟滑，雞軟骨基本上都連肉，大大粒食落好滋味。池魚味道都好香，不過稍微有少少細骨，大家食嘅時候要小心啲～
.
🌟煙三文魚沙律 $78
呢個沙律真心幾抵叫，因為份量其實都算多，計埋好似有7－8塊三文魚，醬汁唔會話落得太多啱啱好。
.
🌟牛舌 $48
牛舌超厚肉，最前果塊有少少焦不過完全都唔阻礙成串牛舌嘅美味，咬落去好滿足。
.
🌟牛肋肉 $38
燒得好軟腍，咬落去牛味好重仲要好Juicy😋
.
🌟雞中翼(2隻) $38
雞中翼個調味我個人幾鍾意，個皮燒得香脆又咸咸地👍🏻
.
🌟日本大蔥黑豚肉串 $68
豚肉每舊都係半瘦半肥，咬落又香又多汁，中間嘅大蔥又可以中和返果種肥膩感😋
.
🌟鰻魚 $48
相影落唔算大舊，但個人認為每舊個份量啱啱好，每啖食落去都好滿足。
.
🌟海鹽雪糕
呢個雪糕個人認為係好好食，首先佢雪糕本身調味好出色，咸咸地又甜甜地完全唔會覺得有沖突，其次係佢成個甜品係加有好多唔同嘅配料，包括底層有紅豆蓉，面層有抹茶粉同脆卜卜嘅碎粒，側邊仲有蕨餅同最中餅皮，食落口感超豐富。
.
🔸整體評價🔸
成餐嘅體驗比我感覺都非常良好，主要原因係成個小店嘅氣氛都非常良好，店員比人感覺都好享受工作，樂於同客人打成一片。唯一係小店入面燒串燒會比較熱少少，但好彩都有足夠冷氣同風扇。整體味道同價錢都唔錯，店員仲話平時大家凌晨過嚟只要未關門佢地都一樣會做你生意架，所以大家飲完酒都可以過嚟食宵夜😋
張貼
