影片
更多
2023-11-23
28 瀏覽
Weekend 去咗位於觀塘裕民坊平台花園嘅意大利餐廳「PENTOLA」，餐廳主打手工意粉、特色主菜同埋創意雞尾酒。餐廳內有兩條灰包柱大大隻字寫住「九龍官塘」同埋「手工意粉」，靈感來自觀塘區工廠外貌，充滿觀塘特色，此外餐廳用上落地玻璃，透光十足，可以欣賞到外面平台花園同噴水池，環境好chill 。新鮮波士頓龍蝦意粉龍蝦意粉係餐廳必點之一，有半隻波士頓龍蝦同埋蟹鉗肉，龍蝦啖啖肉，爽彈鮮甜，蝦膏部位豐富，食得出係新鮮食材，非常用心。手工意粉軟硬適中，口感彈牙，龍蝦醬汁濃稠，吸收咗車厘茄和羅勒嘅精華。卡邦尼煙肉意粉卡邦尼手工意粉質地掛汁，蛋汁同埋忌廉味道濃郁，口感Creamy香滑。煙肉惹味，每粒豬面頰肉都好大粒，帶有咸香味，係正宗意式料理嘅味道。奶凍配百香果醬 奶凍嘅奶味好濃郁，質地幼滑，配上晶瑩剔透嘅百香果醬，味道酸酸甜甜，好開胃，係令人驚喜嘅一道甜品。歌劇院蛋糕歌劇院蛋糕係法式甜品中經典之一，蛋糕層次感分明，用杏仁海綿蛋糕、咖啡奶油同埋黑朱古力相間製作而成，外型貌似巴黎歌劇院舞台因此而命名，蛋糕帶有濃厚咖啡同埋黑朱古力味道，口感細膩精緻。酸種麵包配黑醋用紙袋裝住兩片麵包，麵包麥香濃郁，沾
Weekend 去咗位於觀塘裕民坊平台花園嘅意大利餐廳「PENTOLA」，餐廳主打手工意粉、特色主菜同埋創意雞尾酒。餐廳內有兩條灰包柱大大隻字寫住「九龍官塘」同埋「手工意粉」，靈感來自觀塘區工廠外貌，充滿觀塘特色，此外餐廳用上落地玻璃，透光十足，可以欣賞到外面平台花園同噴水池，環境好chill 。
新鮮波士頓龍蝦意粉
龍蝦意粉係餐廳必點之一，有半隻波士頓龍蝦同埋蟹鉗肉，龍蝦啖啖肉，爽彈鮮甜，蝦膏部位豐富，食得出係新鮮食材，非常用心。手工意粉軟硬適中，口感彈牙，龍蝦醬汁濃稠，吸收咗車厘茄和羅勒嘅精華。
卡邦尼煙肉意粉卡邦尼手工意粉質地掛汁，蛋汁同埋忌廉味道濃郁，口感Creamy香滑。煙肉惹味，每粒豬面頰肉都好大粒，帶有咸香味，係正宗意式料理嘅味道。
奶凍配百香果醬
奶凍嘅奶味好濃郁，質地幼滑，配上晶瑩剔透嘅百香果醬，味道酸酸甜甜，好開胃，係令人驚喜嘅一道甜品。
歌劇院蛋糕
歌劇院蛋糕係法式甜品中經典之一，蛋糕層次感分明，用杏仁海綿蛋糕、咖啡奶油同埋黑朱古力相間製作而成，外型貌似巴黎歌劇院舞台因此而命名，蛋糕帶有濃厚咖啡同埋黑朱古力味道，口感細膩精緻。
酸種麵包配黑醋
用紙袋裝住兩片麵包，麵包麥香濃郁，沾上黑醋有微酸口感。
Ice house blend tea with lemon
自家檸檬茶茶底特別，混合茶用上正山小品紅茶同埋鳳凰單叢茶製成，茶底有淡淡花香味同埋蜂蜜嘅味道，清雅怡人，加上鮮檸檬，味道酸酸甜甜，紅茶嘅茶香加上檸檬香氣帶有回甘。
凍宇治抹茶
採用優質宇治抹茶製成，抹茶味道甘醇濃厚，配上綿密嘅鮮奶泡，質地幼滑嘅牛乳，攪勻後茶味香濃帶有回甘。
張貼
