WM咖啡廳

帶大家入西貢食一個「蟹」主題嘅自助餐。秋天最啱就係食蟹，WM咖啡廳就推出咗「蟹逅秋意自助晚餐」，以蟹用唔同既烹煮方式煮出菜式。凍海鮮選擇都唔少，有即開生蠔，每人每次可以拎兩隻，長期都大排人龍，其他款式仲有松葉蟹腳、麵包蟹、海螺等等。講番蟹主題嘅菜式，每人會有一份焗釀蟹蓋，蟹肉餡料係滿晒；最深刻嘅一定係蟹粉流沙天使麵，真係超誇張，一羹羹嘅蟹膏、蟹黃、蟹肉加落去即時煮，超杰身好濃蟹香味。刺身、壽司表現正正常常，肉類方面同埋一啲熱盤幾唔錯。甜品區最吸引嘅一定係呢個D24榴槤蛋糕，自助餐一開始唔夠10秒鐘就俾人拎咗一半，當然唔少得Häagen-Dazs雪糕任食，仲有多款唔同嘅中西甜品。