神木日本料理 (已結業)

🍣星期一至四優惠刺身串燒拼盤 連飲品 $98🍡雜錦串燒7串 $162🦪燒生蠔3隻 $30 (是日優惠價)🦐燒大頭蝦2隻 $20🍜鍋燒烏冬 $78🍣彩虹卷 $88 🔸聽朋友推介放工去咗呢間樓上日本菜一試，先嚟試吓佢地嘅Weekday優惠刺身串燒拼盤，只需要$98，仲包括飲品😚呢個拼盤有三款刺身，例如三文魚刺身同北寄貝刺身；而串燒類有雞肉串同雞腎串等，整體燒得幾好，口感佳～以單人套餐去計，CP值唔錯🥰🔸之後，可以試佢個雜錦串燒，佢係有啲Omakase feel，會跟當日情況比五款肉類同兩款菜類。我今次試就包括雞肉串、雞腎串、雞頸肉串、雞翼同車厘茄等等。呢啲串燒烤得啱啱好，肉質鮮嫩，燒烤嘅香氣好撲鼻；個人好鍾意雞頸肉串💪🏻🔸如果你鍾意海鮮，佢地嘅燒生蠔同燒大頭蝦絕對係你首選。燒生蠔當日做優惠３隻只需要$30，係好抵食嘅優惠價，燒得好香；燒大頭蝦鮮嫩多汁，鮮甜好食😎🔸佢地嘅鍋燒烏冬同彩虹卷都係唔可以錯過嘅菜餚。鍋燒烏冬湯底濃郁，烏冬彈牙，好開胃，有蟹棒，炸蝦等等配料。而彩虹卷係一款精心製作嘅卷物，每款都配唔同嘅魚生，例如拖羅、三文魚、左口魚同貝類等等，每一款都有唔同嘅口感同鮮味！