影片
更多
2019-06-08
1408 瀏覽
觀塘廣場，俾人感覺好逼，仲有啲污糟。突然好想食上海嘢，就帶同事黎試試佢。上到2樓（譚仔個層），轉入去巷仔，就見到。眼望有三間鋪位，有間應該係臨時開，我諗高峰時間都幾多人。打電話留位有最低消費每人60元。價錢唔貴，而且想食嘅傳統上海菜式都有。先上一大碗例湯，雖然係好簡單嘅湯，飲落好清甜，而且無油。上海粗炒，係我想食嘅其中一道餸，炒得幾均匀。回鍋肉，好香，不過份量唔多。咕嚕雞，正常，酸酸甜甜，同樣客飯黎講份量有啲少。我地再叫炸花卷，硬左小小，但唔係一舊過，幾好。仲有煎餃子，有啲肉汁，不過唔算多。小籠包，要快食，凍左會好硬。驚喜嘅係咸肉百頁湯，好足料，而且湯頭都好好飲。我地6個女仔4個飯都好飽，返到office好眼訓，但4點幾就開始肚餓，可能都係一個客飯會好啲。P.S同事話廁所乾淨過time square，呢點又一驚訝位
上到2樓（譚仔個層），轉入去巷仔，就見到。眼望有三間鋪位，有間應該係臨時開，我諗高峰時間都幾多人。打電話留位有最低消費每人60元。
價錢唔貴，而且想食嘅傳統上海菜式都有。
先上一大碗例湯，雖然係好簡單嘅湯，飲落好清甜，而且無油。
上海粗炒，係我想食嘅其中一道餸，炒得幾均匀。
回鍋肉，好香，不過份量唔多。
咕嚕雞，正常，酸酸甜甜，同樣客飯黎講份量有啲少。
我地再叫炸花卷，硬左小小，但唔係一舊過，幾好。仲有煎餃子，有啲肉汁，不過唔算多。
小籠包，要快食，凍左會好硬。
驚喜嘅係咸肉百頁湯，好足料，而且湯頭都好好飲。
我地6個女仔4個飯都好飽，返到office好眼訓，但4點幾就開始肚餓，可能都係一個客飯會好啲。
P.S同事話廁所乾淨過time square，呢點又一驚訝位
張貼
