Return Coffee House (已結業)

觀塘其實都開始開多新餐廳，會令人翻轉頭嘅餐廳確實係證明呢間餐廳係真係性價比高（除左要快靚正嘅），呢間return都係我推薦之一。價錢唔算貴，食物質素卻高。首先碗湯，小小淡，可以接受，佢係粟米湯。朋友喜歡食risotto，份量都多，唔錯，都幾好食，料都幾足。我就叫咗魚柳漢堡，真係好大份，魚柳煎得恰到好處，芝士係原片上，麵包有烘過，好味。呢杯係黑芝麻加奶，都畫咗心心，好有心思。例牌latte，畫得有心機，啡底又濃，奶亦剛剛好，真心抵。係真係要快攞位，好快full。唯店內油煙味仍然係勁，要返公司噴除味劑。