漢和韓國料理

營業中

休息中

係觀塘，突然口淡淡，好想食個豆腐湯，然後發現其實觀塘係無乜好食嘅韓國嘢。午餐有set或自助燒兩款，我地就揀左set。大致ok，佢分左兩邊，燒嘢食嘅油煙味唔會飄過黎。呢個係鐵板羊肉餐，羊肉有小小羶，而且好油，湯普通左啲。泡茶湯飯，我唔食得辣嘅都覺得無乜味，味道一般。想話暖下個胃都無feel，唔夠熱上。滿心期待嘅炒粉絲，諗住好香口，但係好油，我食咗兩著就唔想再食，個種油唔係香口，係張住你個口。牛肉石頭鍋飯，都係麻麻，撈完無乜感覺，啲飯都濕左啲，加左辣醬都無料到。成餐飯認真麻麻，唔會幫襯。6x元一個人，都係算，我唔覺得自己食緊韓國嘢。