影片
更多
2023-05-06
1283 瀏覽
【觀塘區】【花園餐廳】講起喺觀塘食嘢，唔知點解我第一時間唔係諗起駱駝漆大廈呀，apm 呀之類嘅飲食旺點，而係諗起裕民坊嗰邊大大個沙嗲王嘅招牌。我記得好似係 1995 年嘅大火，攪到呢度差唔多冇晒啲檔口，當時個畫面依然歷歷在目啊。而當時仲有好多糾紛，包括安置問題同埋業權問題，不過當時好多嘢都唔識，都只係接收資訊，我做人唔會太港鐵新工會，無知唔係錯嘛。後來好似仲有一次大火，不過都已經係政府決定咗重建裕民坊之後嘅事 lu，都半放棄。而嗰邊另一個地標，就係觀塘道近油站轉上康寧道嗰個位，無論世事點樣變改，都梗有一格燈牌標示住「花園餐廳」四隻大字。只不過嗰個位又真係好難引到我去幫襯，有一次睇完波去開嗰頭就的起心肝搭電梯上去食吓佢。我叫咗個 $204 嘅「美國黑毛安格斯西冷牛扒」，係「廚師推介」個餐牌，食落都唔錯，隱隱地好食過紐西蘭扒。而每次去到都幾乎會遇到嘅「忌廉湯」、「餐包」同「薯菜」，水準都係一如以往咁穩定，完全諗唔到可以點寫。去「花園餐廳」呢啲餐廳，最重要嘅其中一樣係個嘢飲，如果就咁「凍檸茶走甜」就真係枉負此行。我叫咗要加 $15 嘅「忘情森巴舞」，啲果肉配合芒椰奶露，又甜又香又邪惡，爽過許
而當時仲有好多糾紛，包括安置問題同埋業權問題，不過當時好多嘢都唔識，都只係接收資訊，我做人唔會太港鐵新工會，無知唔係錯嘛。後來好似仲有一次大火，不過都已經係政府決定咗重建裕民坊之後嘅事 lu，都半放棄。
而嗰邊另一個地標，就係觀塘道近油站轉上康寧道嗰個位，無論世事點樣變改，都梗有一格燈牌標示住「花園餐廳」四隻大字。只不過嗰個位又真係好難引到我去幫襯，有一次睇完波去開嗰頭就的起心肝搭電梯上去食吓佢。
我叫咗個 $204 嘅「美國黑毛安格斯西冷牛扒」，係「廚師推介」個餐牌，食落都唔錯，隱隱地好食過紐西蘭扒。而每次去到都幾乎會遇到嘅「忌廉湯」、「餐包」同「薯菜」，水準都係一如以往咁穩定，完全諗唔到可以點寫。
去「花園餐廳」呢啲餐廳，最重要嘅其中一樣係個嘢飲，如果就咁「凍檸茶走甜」就真係枉負此行。我叫咗要加 $15 嘅「忘情森巴舞」，啲果肉配合芒椰奶露，又甜又香又邪惡，爽過許留山，為夾埋呢 $241 劃上完美嘅句號。。。
（地址：觀塘康寧道晨光大廈2樓）
張貼
