EFG Eat for Green (已結業)

【觀塘區】【EFG Eat for Green】去開觀塘做嘢就梗係會想順便食埋嘢，本身我就好中意探索唔同地區嘅食物，仲要有機會去駱駝漆大廈呢啲咁出名嘅修羅場喎，一定要食啦。聽過一個講法，就係全盛時期嘅駱駝漆大廈係有超過五十間食肆，競爭真係好大。見到呢間 EFG 唔錯就同同事費特哥入咗去試，我試 $108 嘅「超厚4cm炸豬扒飯配溫泉蛋」轉配「白麵豉豆乳湯麵」，塊豬扒真係幾得，厚身得嚟勁嫩，好好食，而個湯麵都唔錯。我有加 $38 轉套餐，有多四樣嘢食嘢飲嘅。佢哋係是日餐湯「番茄湯」、「沙律」同「多士」，都係素食嚟嘅，符合返佢哋好重視素食嘅原則。嘢飲我飲「凍檸茶走甜」，都唔錯。費特哥就試 $98 嘅「素超厚豬扒飯配溫泉蛋」，我偷食咗塊素豬扒，覺得勁好食呀，超正。原來塊素豬扒係師傅自己手打嘅，掂。費特哥都有加 $38 轉套餐，佢就飲「熱檸茶」，正常質素。佢哋仲有甜品，忍唔住試埋，費特哥試 $28 嘅每日限量手工製「經典芋圓仙草」再加 $10 要埋「雲呢嗱雪糕球」，幾好食喎又。我就試 $48 嘅「朱古力心太軟配雲呢嗱雪糕」，都好好味，朱古力味好濃，雪糕又正。我哋食緊呢餐都 keep 住讚佢哋嘅