影片
更多
2023-07-19
19 瀏覽
今次係假期同男朋友過咗嚟觀塘海濱散步，順便再附近搵間餐廳食。經過已經留意到呢間居酒屋，見餐牌都唔太貴就決定食呢間。———————————————🌟刺身拼盤5種 $328刺身分別有油甘魚、帶子、吞拿魚、劍魚腩同日本魷魚，每件刺身基本上都係厚切，食落超鮮甜。個人最愛係油甘魚，果種鮮魚味真係好令人回味，另外佢個日本魷魚都好特別，先係好有心地切邊再燒開變成花形，其次係佢個魷魚食落好彈牙，唔似平時食開果種黏式重嘅品種。.🌟炸明太子雞翼 $68食落有少少辣辣地，個明太子醬已經唔係表面咁簡單，連雞肉內層都有，食落好滋味。肉本身都皮脆肉滑，除雞翼尖外其他都已經去曬骨。.🌟雞肉丸串 $78個人認為個醬都調得幾好，雞肉點落去醬油蛋汁倍添風味，不過平時出面食嘅會多少少雞軟骨咬落口感爽啲豐富啲，呢度反而係雞肉比較多，我個人係鍾意多少少軟骨但我男朋友就鍾意呢種多肉啲，各有喜好不過整體都係好好食。.🌟蛋黃醬焗蠔2隻 $98蠔本身都大隻，最出色係個醬，甜甜地又有少少酸，同埋好似有少少蟹籽食落口感更豐富。加少少檸檬汁係面，個味蕾就更清新再突顯多少少蠔嘅鮮味。.🌟野菜烏冬 $58主食方面我叫咗個普通烏冬，價錢一啲都唔貴
今次係假期同男朋友過咗嚟觀塘海濱散步，順便再附近搵間餐廳食。經過已經留意到呢間居酒屋，見餐牌都唔太貴就決定食呢間。
———————————————
🌟刺身拼盤5種 $328
刺身分別有油甘魚、帶子、吞拿魚、劍魚腩同日本魷魚，每件刺身基本上都係厚切，食落超鮮甜。個人最愛係油甘魚，果種鮮魚味真係好令人回味，另外佢個日本魷魚都好特別，先係好有心地切邊再燒開變成花形，其次係佢個魷魚食落好彈牙，唔似平時食開果種黏式重嘅品種。
.
🌟炸明太子雞翼 $68
食落有少少辣辣地，個明太子醬已經唔係表面咁簡單，連雞肉內層都有，食落好滋味。肉本身都皮脆肉滑，除雞翼尖外其他都已經去曬骨。
.
🌟雞肉丸串 $78
個人認為個醬都調得幾好，雞肉點落去醬油蛋汁倍添風味，不過平時出面食嘅會多少少雞軟骨咬落口感爽啲豐富啲，呢度反而係雞肉比較多，我個人係鍾意多少少軟骨但我男朋友就鍾意呢種多肉啲，各有喜好不過整體都係好好食。
.
🌟蛋黃醬焗蠔2隻 $98
蠔本身都大隻，最出色係個醬，甜甜地又有少少酸，同埋好似有少少蟹籽食落口感更豐富。加少少檸檬汁係面，個味蕾就更清新再突顯多少少蠔嘅鮮味。
.
🌟野菜烏冬 $58
主食方面我叫咗個普通烏冬，價錢一啲都唔貴但食落係好高質，首先個湯底清得嚟唔會淡，唔需要加任何醬汁已經好夠味。其次係野菜大部份都鮮甜，仲有兩件冬菇非常大粒。烏冬本身都係高質材料，加上個熟成度都把握得好好，所以成個烏冬食落都好滿意。
.
🔸整體評價🔸
整體價錢唔會太貴，內部環境同裝修都有花心思有日本居酒屋feel，最緊要係食物質素普遍都高，平時係觀塘返工嘅朋友仔都可以考慮Lunch過嚟食，個場仲適合見客添啊～
張貼
