山見 (創紀之城五期(apm))

營業中

休息中

今日去咗APM 5樓一間叫「山見」嘅餐廳食晚餐，一坐低已經feel到個場好旺，氣氛熱鬧，啱晒一班人打邊爐吹水。我哋嗌咗Lv4 特選和牛海鮮吃到飽套餐，有澳洲和牛肩胛肉眼、頂級無骨牛小扒、原隻鮑魚等等，仲可以無限享用自助區超過50款食品、前菜、台式料理、甜品及飲品！每台客人食完之後仲可以憑收據取兩個代幣去餐廳夾公仔機玩兩局，有機會夾中餐廳優惠券可以下次光顧時時使用。另外，有多款台式明信片比客人填寫，再由餐廳代為寄出，幾有特色！🍊 湯底我哋揀咗鴛鴦鍋湯底，加錢升級咗做牡丹美人鍋同椰子雞湯，牡丹美人鍋嘅味道濃郁，啱晒食材用嚟吸味，飲落去暖胃又唔油膩，又有大大件花膠，令到湯底好重膠質；椰子雞湯味道清甜，斬件嘅椰子令到湯底椰香撲鼻，仲有多件嫩滑嘅雞件🍊海鮮有多款海鮮選擇，原隻鮑魚爽口彈牙，黃金鮮蝦球啖啖肉，咬落鮮甜爆汁，福隆刺參同花膠呢類貴價食材都可以放題任食，原隻駅前海老超大隻，松露墨魚滑爽口彈，無骨黑魚片食落去都無骨🍊 牛肉牛扑肉（CAB牛頸脊）同無骨牛小排都係LV4套餐必食嘅肉類，油脂分布幾靚，淥兩淥就食得，牛味濃郁，月見封門柳嘅肉質嫩滑，加隻生蛋黃撈勻，口感滑溜🍊 台式小食 有多款台式小