影片
更多
2023-08-04
5086 瀏覽
【觀塘區】【海悠】喺 1am1050 嘅時候同世一哥嚟呢間隱世餐廳試咗幾樣嘢，炒咗兩個飯同食咗炸子雞。今次同十幾年好友蕉媽媽同埋痕姨姨一齊過嚟試，難得今次日本朋友嚟香港，一定唔可以求其食。再食 $68 半隻「紅顏炸子雞」配白飯。招牌菜果然冇甩拖，外脆內嫩就係外脆內嫩。同場有兩位日本小朋友在場，佢哋都好快食晒啲雞同送晒啲飯，原來佢哋平時食嘢都好奄尖，都忍唔住係咁食呢碟呀。半隻雞我最後好似食得一舊，其他全部被呢兩大兩小食晒。（按：蕉媽媽話點炸子雞個泰式醬都好正喎，佢作為 1amfoodie 嘅忠實讀者，我就特登喺度加一段仔佢嘅意見畀大家睇啦，哈哈！）之後 $298 嘅「新鮮長腳蟹腳蝦湯海皇燴飯」反而係我哋幾個大人食晒。佢拆晒啲新鮮長腳蟹腳啲肉鋪喺個勁 creamy 又蝦味濃嘅飯上面，鹹鹹哋濕濕哋咁。裡面仲加入勁多海鮮粒，口感上同埋味道上都係好高級嘅享受嚟。忍唔住同老細讚碟飯，佢細細聲同我講個飯被人詬病整得慢，我心諗，佢四五個字出到呢碟嘢已經算好叻，畀著我係老細可能會叫個客去麥當勞食蝦堡，嗰度啲蝦咪一分鐘起貨囉。所以我知自己係唔適合做老細，會鬧走啲客。之後到 $900 嘅兩斤「新鮮活紅長腳蟹
招牌菜果然冇甩拖，外脆內嫩就係外脆內嫩。同場有兩位日本小朋友在場，佢哋都好快食晒啲雞同送晒啲飯，原來佢哋平時食嘢都好奄尖，都忍唔住係咁食呢碟呀。半隻雞我最後好似食得一舊，其他全部被呢兩大兩小食晒。
（按：蕉媽媽話點炸子雞個泰式醬都好正喎，佢作為 1amfoodie 嘅忠實讀者，我就特登喺度加一段仔佢嘅意見畀大家睇啦，哈哈！）
之後 $298 嘅「新鮮長腳蟹腳蝦湯海皇燴飯」反而係我哋幾個大人食晒。佢拆晒啲新鮮長腳蟹腳啲肉鋪喺個勁 creamy 又蝦味濃嘅飯上面，鹹鹹哋濕濕哋咁。裡面仲加入勁多海鮮粒，口感上同埋味道上都係好高級嘅享受嚟。
忍唔住同老細讚碟飯，佢細細聲同我講個飯被人詬病整得慢，我心諗，佢四五個字出到呢碟嘢已經算好叻，畀著我係老細可能會叫個客去麥當勞食蝦堡，嗰度啲蝦咪一分鐘起貨囉。所以我知自己係唔適合做老細，會鬧走啲客。
之後到 $900 嘅兩斤「新鮮活紅長腳蟹」，即係 $450 一斤，佢哋堂食而家做緊免加工費所以係九舊水。兩位美女喺度梗係問美女，一位話佢煮嗰陣有啲位好似略鹹，其他就好好。而另一位朋友嘅口味就完全接受到，覺得正喎。
之後兩個餸係 $98 嘅「蟹黃醬椰菜炒豬頸肉」同 $168 嘅「雜果芝士流心咕嚕肉」，前者蟹味勁香，椰菜又鮮甜美味，係好食嘅。後者係夾咗芝士喺入面嘅咕嚕肉，好特別，本身啲豬肉好食得嚟多咗個芝士拉絲層次，好味。
如果可以同女同事一齊食呢味咕嚕肉當然可以更甜，不過本身已經好食，不枉我將個咁難得嘅聚會放喺呢度。飲品大家要咗各 $5 嘅「健康工房竹蔗茅根」、「雀巢雪梨茶」同「可口可樂」，仲有 $10 嘅「美粒橙」，埋單 $1557，掂。。。
（地址：觀塘駿業街67號駿業熟食市場1樓52-53, 56號舖）
@hoiyou_food
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #海悠 #紅顏炸子雞 #新鮮長腳蟹腳蝦湯海皇燴飯 #新鮮活紅長腳蟹 #蟹黃醬椰菜炒豬頸肉 #雜果芝士流心咕嚕肉 #1am1099 #1ambackup
張貼
