影片
更多
2024-04-04
62 瀏覽
近期食過最好食嘅Omakase👍🏼😋 今次揀左「焰月」有先付、季節刺身、手握壽司、手卷、吸物、時令水果共20品 （$980/位）首先，店員會送上餐前小食，小食嘅擺盤都整得好精緻😍有枝豆、魷魚乾、鱈魚乾，啱晒配埋清酒🍶🎏先付～ 胡麻蕃茄、白蝦肉凍豆腐、螢光魷魚 ～蕃茄清甜爽口｜豆腐綿密軟滑、入口即溶，白蝦肉嘅鮮味喺豆腐嘅陪襯下更加突出｜螢光魷魚配上柚子汁味道好清新，口感Q彈爽口。🎏季節刺身～ 北海道 鯛魚魚春配紫蘇花 ～呢道菜好有驚喜，本身以為會好腥，但係廚師用咗秘製嘅湯汁，加咗薑絲同紫蘇花，一啲腥味都冇而且味道仲好特別，出奇地好味👍🏼～ 北海道生蠔 配上三文魚子呢隻生蠔🦪口感比較爽口，配上三文魚子口感更加豐富！～ 鰹魚 配上菠菜紫洋蔥芝麻醬 ～鰹魚表皮用火槍燒過，油脂更出更香，而且配上醃製過嘅菠菜紫洋蔥加上芝麻醬廚師拌得好好食🤤～ 北海道半生熟帶 配魚子甘筍汁～個帶子炸到半生熟好出色，而且個甘筍汁係超級超級好食😋👍🏼好creamy感覺有少少似南瓜蓉。🎏手握壽司（北寄貝、池魚、金木雕魚、北海道海膽、北海道牡丹蝦配燒過嘅蝦膏）北寄貝廚師會用手拍一拍，令佢神經收縮食落更加爽口！海膽超級Cre
首先，店員會送上餐前小食，小食嘅擺盤都整得好精緻😍有枝豆、魷魚乾、鱈魚乾，啱晒配埋清酒🍶
🎏先付
～ 胡麻蕃茄、白蝦肉凍豆腐、螢光魷魚 ～
蕃茄清甜爽口｜豆腐綿密軟滑、入口即溶，白蝦肉嘅鮮味喺豆腐嘅陪襯下更加突出｜螢光魷魚配上柚子汁味道好清新，口感Q彈爽口。
🎏季節刺身
～ 北海道 鯛魚魚春配紫蘇花 ～
呢道菜好有驚喜，本身以為會好腥，但係廚師用咗秘製嘅湯汁，加咗薑絲同紫蘇花，一啲腥味都冇而且味道仲好特別，出奇地好味👍🏼
～ 北海道生蠔 配上三文魚子
呢隻生蠔🦪口感比較爽口，配上三文魚子口感更加豐富！
～ 鰹魚 配上菠菜紫洋蔥芝麻醬 ～
鰹魚表皮用火槍燒過，油脂更出更香，而且配上醃製過嘅菠菜紫洋蔥加上芝麻醬廚師拌得好好食🤤
～ 北海道半生熟帶 配魚子甘筍汁～
個帶子炸到半生熟好出色，而且個甘筍汁係超級超級好食😋👍🏼好creamy感覺有少少似南瓜蓉。
🎏手握壽司
（北寄貝、池魚、金木雕魚、北海道海膽、北海道牡丹蝦配燒過嘅蝦膏）
北寄貝廚師會用手拍一拍，令佢神經收縮食落更加爽口！海膽超級Creamy好食，牡丹蝦爽口，而且配咗燒過嘅蝦膏，令到口感層次大增！
～ 煙燻雙拖羅 ～
用咗油脂較重嘅大拖羅同埋脂肪較少嘅赤身，一個用煙燻方法、一個用炙燒，加埋一齊食味道豐富得嚟又唔會太膩。外層加埋紫蘇葉、沙甸魚干、紫菜口感大增😍
～ 炸蝦頭 ～
用咗牡丹蝦🦐嘅蝦頭炸得好香脆
手卷
～ 拖羅魚蓉手卷 ～
廚師會燒一燒吞拿魚嘅皮，滴出嘅油脂會加入壽司飯，再加埋拖羅魚蓉、醬油、蔥花攪拌，包上紫菜，係一個好有心機嘅手卷好好味！！
～ 茶碗蒸 ～
～ 自家製魚湯 ～
🍰甜品
蜂蜜蛋糕、士多啤梨、黃豆粉蕨餅
整個Omakase真係超水準👍🏼👍🏼👍🏼每一道菜都好有驚喜，同埋除咗食材新鮮廚師嘅調味都整得好好食。真心推介大家嚟食！！
張貼
