中西∙環 (已結業)

一向食自助餐我地都係集中食海鮮、刺身、甜品咁，好多時都會忽略左熱食菜式。不過今次港島太平洋酒店推出以傳統菜式為主嘅「飛『粵』夢『功』場自助晚餐」，佢地熱葷出左好多特式嘅粵菜，啱晒一向鐘意食中菜多過西餐嘅老公~ 今次主打就中式烹飪，大部分都係傳統功夫菜，就好似每位一客嘅荔蓉鮑魚酥，都真係唔錯，可能我自己鐘意食芋頭，所以覺得特別好食~ 豉汁蟠龍鱔都唔錯，不過就只係星期五、六及日限量提供呀~依個糯米飯絕對係小小豬至愛，因為有臘腸潤腸俾佢無限食(真係嚇C人.....有冇咁鐘意食呀)~仲有老公話好夠味嘅羊腩煲~ 仲有一系列傳統粵菜都好吸引，好似有一品富貴鴨、古法煎釀鯪魚、蜜味金錢雞、懷舊春花卷、百花釀金錢........等等(有啲唔記得左個名..唔好意思..哈哈)~ 冰鎮海鮮盤幾款海鮮係好鮮甜，尤其係龍蝦真係超推介，隻隻都係厚肉又多膏，當然仲有鱈場蟹都係我地至愛啦~ 當然仲有我地次攻嘅刺身~ 壽司款式都算多，小小豬叫我同大家講個壽司小卷好好食，佢食左好多粒呀~ 仲有沙律、冷麵同冷盤~ 小小豬另一推仲就係依個西冷牛肉，佢一個人食左兩塊呀~ 場內