揀得啱車仔麵 (已結業)

【足料有誠意車仔麵】係上環行行下突然好想食豬皮豬紅, 咁就啱到附近有間車仔麵, 即刻衝咗上去同一般車仔麵店唔同, 佢舖面寬敞又整潔 裝潢仲有啲簡約文青~ HK$55有個三餸麵, 額外加餸就$12一款, 以開係呢個地段嚟講唔算貴既, 仲要係足料好食! 試咗唔同餸入面, 豬皮豬血水準的確好高, 牛丸貢丸都食得出係揀咗靚貨, 唔會求其~ 另外牛腩都炆得好冧, 好好食! 而湯底都係誠意野, 鮮甜感不俗, 你飲落就知有用心去整~ 另外小食試咗千杯不醉雞翼, 酒香味重, 料理得啱啱好, 好推介!