影片
更多
2022-03-24
640 瀏覽
呢兩日香港又凍咗，想打邊爐 了🌬舊年醉金渦試業嘅時候拜訪過。裝修格局行低調平實路線，有VIP房，私隱度高，性價比更高。老細之一嘅A哥好好客，介紹咗好多靚嘢俾我哋食。據聞餐廳主廚出身於廣州老牌酒家——陶陶居，對餐廳出品水準自然高要求。呢一點由佢哋嘅火鍋湯底同邊爐料都可見一斑。當日試咗❝牛蹄湯底❞，市面上較少見到有。或者係因為處理步驟太複雜太耗時，齋係要將牛蹄熬至軟身，就起碼要用上七八個鐘。香港多數嘅邊爐以量取勝，對於呢啲功夫位、細節位，有忽視都係無可厚非。牛蹄湯底香氣十足，膠原蛋白好豐富，食完個口會有漿住嘅感覺，呢個價錢齋飲個湯都抵。🤤有靚湯底自然需要靚邊爐料，A哥誠意推介我哋試吓佢哋嘅❝本地頂級手切牛肉❞，原來係騸牯牛！每日全港供應得30隻，食到就是賺到了🤤騸牯牛即係細細個就被閹咗嘅牛，油脂分佈極佳，比起一般牛肉嘅味道更濃更香，烚幾秒至medium就食得，入口即溶，油脂香四溢，美味至極。值得一提嘅仲有佢哋嘅響鈴，係廚房新鮮即炸🤩A哥教我哋，其實熱辣辣嘅即炸響鈴，直接沾砂糖食更為美味，味道似沙翁，但係十分香脆，我估香港冇幾個地方可以食到！🤫另外佢哋嘅其他邊爐料，如手打肉丸、魚滑、即炸魚片
呢兩日香港又凍咗，想打邊爐 了🌬舊年醉金渦試業嘅時候拜訪過。裝修格局行低調平實路線，有VIP房，私隱度高，性價比更高。
老細之一嘅A哥好好客，介紹咗好多靚嘢俾我哋食。據聞餐廳主廚出身於廣州老牌酒家——陶陶居，對餐廳出品水準自然高要求。呢一點由佢哋嘅火鍋湯底同邊爐料都可見一斑。
當日試咗❝牛蹄湯底❞，市面上較少見到有。或者係因為處理步驟太複雜太耗時，齋係要將牛蹄熬至軟身，就起碼要用上七八個鐘。香港多數嘅邊爐以量取勝，對於呢啲功夫位、細節位，有忽視都係無可厚非。牛蹄湯底香氣十足，膠原蛋白好豐富，食完個口會有漿住嘅感覺，呢個價錢齋飲個湯都抵。🤤
有靚湯底自然需要靚邊爐料，A哥誠意推介我哋試吓佢哋嘅❝本地頂級手切牛肉❞，原來係騸牯牛！每日全港供應得30隻，食到就是賺到了🤤騸牯牛即係細細個就被閹咗嘅牛，油脂分佈極佳，比起一般牛肉嘅味道更濃更香，烚幾秒至medium就食得，入口即溶，油脂香四溢，美味至極。
值得一提嘅仲有佢哋嘅響鈴，係廚房新鮮即炸🤩A哥教我哋，其實熱辣辣嘅即炸響鈴，直接沾砂糖食更為美味，味道似沙翁，但係十分香脆，我估香港冇幾個地方可以食到！🤫
另外佢哋嘅其他邊爐料，如手打肉丸、魚滑、即炸魚片頭、魚皮等亦值得一試，所有材料都十分新鮮！
我個人認為，高質嘅邊爐其實係完全唔使點任何醬料，因為湯底嘅味道同食材本身嘅味道已經夠味，再點醬料反而遮蓋咗食材本身嘅味道。喺醉金渦打邊爐，應該可以慳唔少豉油🤣
貴又唔係比連鎖邊爐貴好多，呢個價錢食到呢個質素，抵到爛。
張貼
