影片
更多
2025-02-03
576 瀏覽
周圍都食米線｜要搵間出色嘅真係有難度！最近經過銅鑼灣又真係比我搵到一間平靚正米線！套餐抵到不得了！大家都鍾意食嘅腩肉，依間仲要係獲獎㗎！1人餐(酸辣小鍋米線) $68起1人套餐包2餸＋1款小食＋1杯飲品，依個價真係唔係度度有！小鍋米線配料有：秘製辣肉碎、韭菜、酸菜、芽菜、花生、芫荽、蔥都幾多元化。除咗腩肉，平時食米線好少見有嘅松茸、牛肝菌依到居然有！仲要係微辣，即刻加餸！太多餸想試最後試咗以下幾樣：金獎腩肉(微辣)：非常入味！越食越惹味，腩肉唔會太肥脂肪分布適中，難怪攞到金獎！必試！松茸(微辣)：松茸好少米線店有得食，見到有即刻要試，本身松茸無咩味，依到加咗微辣就突出埋松茸味，健康又好味牛肝菌(微辣)：又係少見嘅餸，一樣用微辣帶出牛肝菌味，原件上無切碎，份量都多好抵食！竹笙：爽滿湯底味，一咬爆湯勁正，竹笙都幾長，無剪到好短，又係抵食！蘿蔔：清甜+入味，米線至fresh首選套餐小食：椒鹽炸魚蛋：魚蛋炸到好香口，加上椒鹽帶出咸香味，仲有辣醬做醬料，鍾意食辣就要試杯品：豆漿：香濃豆味，味道唔太甜炸海鮮卷(配沙律醬) $25網卷炸到卜卜脆勁有口感，咬開有海鮮、紅蘿蔔，點沙律醬食勁滋味酸辣手拍青
周圍都食米線｜要搵間出色嘅真係有難度！最近經過銅鑼灣又真係比我搵到一間平靚正米線！套餐抵到不得了！大家都鍾意食嘅腩肉，依間仲要係獲獎㗎！
1人餐(酸辣小鍋米線) $68起
1人套餐包2餸＋1款小食＋1杯飲品，依個價真係唔係度度有！小鍋米線配料有：秘製辣肉碎、韭菜、酸菜、芽菜、花生、芫荽、蔥都幾多元化。除咗腩肉，平時食米線好少見有嘅松茸、牛肝菌依到居然有！仲要係微辣，即刻加餸！
太多餸想試最後試咗以下幾樣：
金獎腩肉(微辣)：非常入味！越食越惹味，腩肉唔會太肥脂肪分布適中，難怪攞到金獎！必試！
松茸(微辣)：松茸好少米線店有得食，見到有即刻要試，本身松茸無咩味，依到加咗微辣就突出埋松茸味，健康又好味
牛肝菌(微辣)：又係少見嘅餸，一樣用微辣帶出牛肝菌味，原件上無切碎，份量都多好抵食！
竹笙：爽滿湯底味，一咬爆湯勁正，竹笙都幾長，無剪到好短，又係抵食！
蘿蔔：清甜+入味，米線至fresh首選
套餐小食：
椒鹽炸魚蛋：魚蛋炸到好香口，加上椒鹽帶出咸香味，仲有辣醬做醬料，鍾意食辣就要試
杯品：
豆漿：香濃豆味，味道唔太甜
炸海鮮卷(配沙律醬) $25
網卷炸到卜卜脆勁有口感，咬開有海鮮、紅蘿蔔，點沙律醬食勁滋味
酸辣手拍青瓜 $20
大大件爽口青瓜，加上酸辣醬汁非常開胃
通菜 $20
碟腐乳通菜都幾大碟！食極都仲有！
📍地址：銅鑼灣登龍街41-51號金龍大廈地下D
號舖
張貼
