方叔叔重慶老火鍋 (渣甸中心) (已搬遷) 新店位置

打邊爐一向係聚會熱門之選，今次就去到位於銅鑼灣渣甸中心既「方叔叔重慶老火鍋」，同朋友齊齊挑戰餐廳近期既大熱－－正宗重慶麻辣九宮格大紅鍋！坐低無耐，店員已經送上免費既紅棗雪耳糖水，甜甜地又足料，雪耳好有咬口，啱哂邊爐前先暖暖胃。湯底簡左「重慶麻辣九宮格大紅鍋」，用上大量辣椒、花椒、薑片，成個感覺既麻又辣，食得好過癮～每檯都有麻油、蔥、蒜、醋、豉油，方便自行調較醬汁。店員知我地第一次嚟，好貼心同主動幫我地調醬汁，話比我地知麻油可以落多啲去保護腸胃，再加埋蔥同蒜搞勻就完成～如果想更鮮味可以落少少豉油，醋亦有解辣功能。＼配料／✢ 鮮活海蟶（半份）＄45✢ 功夫萵筍片（半份）＄28✢ 手打魚籽蝦滑（半份）＄58 ✢ 芝士丸（半份）＄28✢ 美國牛板腱 （一份）＄188✢ 黑豚腩肉（一份）＄88✢ 鮮滑魚麵（一份）＄68蟶子必點！好肥美，而且隻隻都脹卜卜，冰鎮上檯又無沙，根據指示淥五分鐘就啱啱好仲，食到哂蟶子既鮮味。萵筍片每塊都切成薄片，厚薄剛好仲要擺到花咁靚，淥三十秒就完成，推介～蝦滑好彈牙，仲有邊爐必備既芝士丸，樣樣叫半份可以試到唔同火鍋配料。美國牛板腱同黑豚腩肉都睇得出好高水準，肉紋好靚而味