影片
更多
2024-04-15
91 瀏覽
早前留意到呢間居酒有一個性價比似乎幾高嘅套餐，只需要$650／兩人就可以享受到11品嘅套餐。加上餐廳本身每款食物同Cocktail都感覺好有創意，今次收工就約埋男朋友過嚟試呢個豐富套餐。———————————————🌟前菜前菜方面有3種刺身，分別有芥辣八爪魚、炙燒北海道帆立貝同炙燒三文魚，芥辣八爪魚味道濃郁，帆立貝同三文魚都算厚身，而且食落非常新鮮。🌟一品料理分別有唐揚炸豆腐同蜜糖柚子雞翼，炸豆腐比想像中好食，炸得好香咬落去入面仲有少少汁，再配埋少少香蔥非常正。蜜糖柚子雞翼切開單骨，但份量其實都幾多，面頭除咗柚子同蜜糖外仲加有芝麻，食落都好香個皮炸得都啱啱好。🌟太卷太卷有兩種味分別係壽喜燒牛肉同牛油果忌廉芝士，個人嚟講我覺得後者更好食，牛油果蓉加忌廉芝士整埋一齊真係非常香，冇諗過同壽司飯亦都非常夾，上面再加有少少香蔥碎，真心好食。至於壽喜燒牛肉，壽喜燒汁味道會濃郁啲導致牛味冇咁出，不過味道一樣都唔錯。🌟串燒串燒就一共有4款，先係紫蘇雞腿肉，雞腿肉燒得好嫩仲好Juicy，紫蘇香味同肉都夾得天衣無縫。明太子山藥第一眼望落以為係蟹柳，食落非常有驚喜，又香又爽口，冇諗過竟然連山藥都可以做成串燒
早前留意到呢間居酒有一個性價比似乎幾高嘅套餐，只需要$650／兩人就可以享受到11品嘅套餐。加上餐廳本身每款食物同Cocktail都感覺好有創意，今次收工就約埋男朋友過嚟試呢個豐富套餐。
———————————————
🌟前菜
前菜方面有3種刺身，分別有芥辣八爪魚、炙燒北海道帆立貝同炙燒三文魚，芥辣八爪魚味道濃郁，帆立貝同三文魚都算厚身，而且食落非常新鮮。
🌟一品料理
分別有唐揚炸豆腐同蜜糖柚子雞翼，炸豆腐比想像中好食，炸得好香咬落去入面仲有少少汁，再配埋少少香蔥非常正。蜜糖柚子雞翼切開單骨，但份量其實都幾多，面頭除咗柚子同蜜糖外仲加有芝麻，食落都好香個皮炸得都啱啱好。
🌟太卷
太卷有兩種味分別係壽喜燒牛肉同牛油果忌廉芝士，個人嚟講我覺得後者更好食，牛油果蓉加忌廉芝士整埋一齊真係非常香，冇諗過同壽司飯亦都非常夾，上面再加有少少香蔥碎，真心好食。至於壽喜燒牛肉，壽喜燒汁味道會濃郁啲導致牛味冇咁出，不過味道一樣都唔錯。
🌟串燒
串燒就一共有4款，先係紫蘇雞腿肉，雞腿肉燒得好嫩仲好Juicy，紫蘇香味同肉都夾得天衣無縫。明太子山藥第一眼望落以為係蟹柳，食落非常有驚喜，又香又爽口，冇諗過竟然連山藥都可以做成串燒。金菇肥牛卷味道都唔錯，燒汁調味ok加上有芝麻都好香口。另外仲有款溏心蛋豚肉卷一樣係好特別嘅串燒，豚肉超大件，燒過後非常白亦都唔會太肥膩，入面隻溏心蛋 更加係冇得頂，個流心程度整得非常好仲要調味都好出色。
🌟主食
主食我哋選擇咗壽喜燒牛脊肉炒烏冬，牛脊肉真係好好食，好嫩同時牛味非常濃郁，個烏冬底配上壽喜燒都好好食，烏冬熟成度啱啱好。
🌟甜品
最後有烏龍茶牛奶布甸作為甜品，呢個布甸真係十分推薦，先係口感方面非常綿滑，味道方面更係冇得頂，甜度適中食落係奶茶味但果種茶香更濃郁，如果可以真係好想加多個。
🌟Karakusa Luck 唐草
底本身係Gin酒味，再加有green chartreuse ，飲落係種帶香嘅淡甜味。不過呢款打卡真係一流，出場非常有儀式感，打開果種煙霧瀰漫同埋果種大自然擺設就好似係竹林一樣。
🌟Maple Hunter楓
呢款係用Peach Tea Infused Vodka做底，入面再加有柚子、檸檬、橙味調味，飲落酸酸甜甜，酒味都唔會太濃。
🔸整體評價🔸
整個套餐其實好豐富，性價比都唔錯，Cocktail方面其實好有儀式感亦都好有主題，大家仲可以加$148/位任飲Soda Cocktail。環境本身其實都幾Chill，好適合大家夜晚收工過嚟。
張貼
